你又揀一邊?《加速世界 vs 刀劍神域 千年的黃昏》簡介!
December 16, 2016 Share

你又揀一邊?《加速世界 vs 刀劍神域 千年的黃昏》簡介!

早係10月頭就曝光過將會係2017年3月16日於PSV及PS4平台推出既《加速世界 vs 刀劍神域 千年的黃昏》,今日就又更多遊戲截圖比大家望下,鍾意兩個作品既朋友就唔好錯過啦~

相信大家都想知道點解《加速世界》既人會同《刀劍神域》既角色可以相遇,主要原因係因為Brain Burst入侵左ALO既世界,一系列神秘既建築物出現係ALO到,令兩隻「遊戲」既玩家都可以互相來往大家既世界,通過戰鬥,將會帶大家進入加速世界與虛擬世界既交叉神秘地帶……

遊戲採用3D戰鬥模式(即類似高達果種),等大家可以揀三個鍾意既角色係天空同地面世界之間展開激烈既展鬥!廢話少講,依家就睇睇《加速世界》同《刀劍神域》既代表先~


【《刀劍神域》角色代表】

桐人:唔洗多講,一個以「星爆氣流斬」聞名既黑色劍士,《刀劍神域》男主角。


亞絲娜:桐人條女,今次背景因為係ALO,所以有精靈耳+藍髮,《刀劍神域》女主角。(不過我都係鍾意SAO個樣多啲,等換skin算)


西莉卡:龍使一名,所以有條龍仔會幫手攻擊,由SAO開始就登場,《刀劍神域》中既配角。


莉茲貝特:鐵匠一名,比較常用鈍器,《刀劍神域》中既配角。


【《加速世界》角色代表】

Black Lotus:即係黑雪姬,《加速世界》女主角,即係同桐人一樣出現係封面果位。


Silver Crow:即係肥仔有田春雪,不過既然以遊戲世界做背景既話,虛擬形象Silver Crow既戰鬥力先係重點,《加速世界》男主角。


青橙之鈴:別名「時間魔女」,明顯睇圖都知係補師角色,《加速世界》配角。


紅之王:雖然睇個樣細細粒,但用左「機動要塞」就好屈下,《加速世界》配角。