【2016動漫節】買DLC變超西4!《龍珠Xenoverse2》中文版年內發售
August 2, 2016
猿人見叄 (136 articles)
Share

【2016動漫節】買DLC變超西4!《龍珠Xenoverse2》中文版年內發售

相信唔少《龍珠》迷都對今年推出的《龍珠Xenoverse2》相當期待,不過上集已經全日文應該令好多玩家相當頭痕。但係今年「動漫電玩節2016」中,《龍珠 XV 2》的製作人中尾隆一和專配菲利的老牌聲優中尾隆聖黎到香港和大家見面。除了介紹遊戲可以用不同種族、陣營以及突入同時代這些係人都知嘅遊戲內容之外,製作人中尾隆一向大家隆重宣佈今年將會有中文版發售,並且是系列首次中文化!當然,最重要是對比上集將會加入更多的招式,而大家所關心的超級撒亞人三,亦會在今集中粉墨登場,唔知有冇比達份呢?但製作人中尾隆一先生都係話唔可以講太多,希望可以大家在遊戲中自行發掘。

中野先生同「菲利」大人一齊和現場觀眾對打!

中野先生同「菲利」大人一齊和現場觀眾對打!

現場的氣氛一流!

現場的氣氛一流!


【訪談Q&A】

Q:今集會有所有的超級撒亞人3都會登場嗎!?請問超級撒亞人4會唔會登場嗎?
A:依家唔可以講太多,不過超級撒亞人4正考慮用Dlc的方式來登場

Q:會唔會加返龍珠超的角色!?
A:《龍珠 超》角色會以免費DLC方式加上去,但一開波個陣唔會有。

Q:會唔會有小悟空時代的角色!?
A:雖然我都好喜歡小悟空時代的角色們,但係佢地好多都唔識飛,真係有點難呀!

Q:前集都有PS3喎,點解今集沒有!?只有PS4版?
A:其實呢,上集用PS3已經好辛苦,基本上可以話用盡晒PS3的效能了;今集用PS4完全無問題,所以只出係PS4。

Q:今集和上一集有咩分別呢!?
A:今集最大分別就是在流暢度上,另外我們也對角色的平衡度也下了相當大的苦功,以及加了培養系統

Q:會唔會有VR的作品呢!?
A:這個嘛,我們暫時冇諗過;不過會在發售後聽取大家意見後再做決定吧。