【式神攻略】《陰陽師ONMYOJI》石距副本簡介!
January 6, 2017 Share

【式神攻略】《陰陽師ONMYOJI》石距副本簡介!

今日官方終於開放左石距副本比各位陰陽師打,如果對呢隻大章魚認識唔深既朋友,不妨入黎睇睇,畢竟每一個鐘用30體換返相應既內容物都算唔錯~(當然你打完探索副本好運出左又另計啦!)

直接開個隊伍入去慢慢撞都得,係公頻搵黎撞亦得

進入方法

我諗應該都會有朋友問呢個「石距」副本到底點入?係咪真係要刷完探索副本等佢彈妖氣封印既類似物體先打得呢?其實唔洗,可以係主介面到搵隊伍,之後mark住個石距撞隊入去就可以,當然亦都可以係公頻係撞,點都得,不過要留意返除左一次要30體之外,打完仲有1個鐘既冷卻時間

● 完成探索關卡隨機出現妖氣封印
● 可經組隊→石距→進入其他玩家的關卡
● 完成一次後需要一小時冷卻時間
● 副本的等級會以開放任務者為基準

石距既技能輸出唔算高,要留意既就係招「貪生怕死」

隊伍推薦

由於石距既輸出唔高,所以可以睇情況帶有裝「火靈」御魂既狗糧黎練,而輸出角色建議帶裝「針女」御魂既多段攻擊式神,例如姑獲鳥、大天狗、妖刀姬等,除此之外,座敷童子同丑時之女都可以考慮帶上,裝備「心眼」御魂丑時之女既草人配得好可以係石距進入2回合潛匿狀態時秒殺。

隊員基本上都係主力輸出就好,帶座敷童子做打火機好過帶補師

獎勵結算

既然咁強調石距淨返40%血果陣進入「貪生怕死」果2回合既潛匿狀態,其實因為係影響最終獎勵,但又唔洗爭住自己既輸出,應該要留火比隊伍入面最高輸出既盡量用技打石距,而最後獎勵結算既時候,就係根據玩家既御魂副本及覺醒副本,再加埋探索副本既進度影響你會拎到啲咩,如果御魂副本未到第7層的話,就唔會出6星既御魂,而最後獲得既經驗值上限就會被探索副本既進度影響。

最後出黎獎勵除左係根據「貪生怕死」果2回合輸出之外,都睇玩家本身既進度而定