玩返土人算啦!Good Smile擔大旗手遊作《Grand Summoners》玩後感!
December 1, 2016 Share

玩返土人算啦!Good Smile擔大旗手遊作《Grand Summoners》玩後感!

早係3月頭既時候就同大家提過奸笑社Good Smile就唔整土人,整隻叫《Grand Summoners》(グランドサマナーズ)既手遊,如今終於上架有得玩,既然異次猿平日都倒左唔少落黏土人到,唔差在浪費少少時間試下呢隻《Grand Summoners》,但試完真係希望佢專心出返黏土人好過……以下會簡單列出5點我玩完之後感到不滿既地方。

1.新手教學太長氣

即係咁,呢篇玩後感我覺得佢優點真係好難數到出黎,首先我玩任何手遊最先考慮扣唔扣分既位就係睇佢新手教學長唔長氣,我明,你都係想大家識點操作姐,但我覺得你似係唔想人地去刷首多囉,搞成差唔多接近20分鐘先去到主介面自由活動……真係長氣到呢。雖然你望下面3張圖發現只係差幾分鐘既事,不過我入GAME果陣上面顯示既時間係19:35,你話死唔死?

又係果啲殺唔到大佬之後一堆勁人出黎救駕秒殺既老土劇情

又係果啲力盡之後一堆勁人出黎玩秒殺既老土劇情

主角三揀一,不過之後都直接抽人架啦

主角三揀一,不過之後都直接抽人架啦

收完事前獎勵,終於抽得人啦

收完事前獎勵,終於抽得人啦


2.五星寵要你自己升

即係咁,收完一堆獎勵石之後,你可以抽3次10連角色,或者建議你抽2次10連角色,2次10連寶具,但寶具都唔好咩好野黎,下面再詳細講,主力講返角色先,佢角色係會有5星,但最多只會出到4星型態比你……當然再賤啲就係3星型態,逼住你要打曜日關刷素材自己將佢上5星,即係佢一開波送得咁多石比你自然又有地方整鬼你咁解,當你抽到一隻3星既時候,其實佢係可以上5星,呢個時候都唔知練唔練佢好。

g5

我中到既5星,唔好意思應該話準5星先岩

g6

3星,但可以上5星,我應唔應該開心好?

g7

當然都可以10連都係3星-4星


3.戰鬥系統表示差

講到戰鬥系統,就順帶講埋佢既寶具系統,佢寶具就唔會整蠱造怪既,係5星就5星,3星就3星,唔洗你去升!不過咁,每個角色有3個寶具裝備位置,通常都分成5星、3星、2星,代表每個角色可以裝唔同分類顏色既最高星數,就直接講個真人真事做例子,我抽到一件5星裝備,不過就藍色既,而我手頭上既角色無一個係可以裝到5星既藍色裝備……最後件裝點樣?咪賣左佢囉。

至於戰鬥系統,又係禁禁禁,咪最多拉一拉個角色出奧義同禁啲寶具咁,不過可唔可以貼心少少整返個Auto比人快刷先?雖然我見佢地會自己攻擊,但無個Auto掣或者加速掣可以話係敗筆,唔記得講,雖然佢一開波可以比你揀食物黎加戰鬥力,但呢啲微細位都係救唔返佢成個戰鬥系統。

編隊既時候,仲要諗埋寶具配置

編隊既時候,仲要諗埋寶具配置

無Auto,但佢又識自己打,而你又可以走去禁

無Auto,但佢又識自己打,而你又可以走去禁


4.協力連線品質低

想做一隻好手遊,基本點都要有協力比人打既,而佢協力就可以揀比好友打個number入黎,或者自己開場果陣揀兩次右上角變成「全國解放」,等其他玩家可以撞入黎,本身都算好,起碼自己控返自己隻野既寶具,同埋本來都係我唯一滿意既地方,不過咁,假設掉返轉我地想撞入人地場係勁難,最少我未成功過,所以測試上唯有係自己開場再同其他玩家打返場咁大把,但係……成日一開波就將我帶返去登入介面,連體力都比佢食左兩次,連線品質差成咁,真係唔合格。

g12

記得要右上角比人入黎

g13

成班人虐殺曜日關既怪

g14

大家都爭住出奧義收尾刀

唉,想試下協力姐,咁都唔比人打

想試下協力姐,成日唔比人打


5.賣垃圾搏垃圾

去到最後一點,佢好多功能因為主介面塞唔落,所以放左落「街」果到,其中一個地方係賣角色既,不過我都正有此意,反正我都想賣左堆角色同用唔到既寶具佢,當賣夠500粒鍊石之後,我可以用黎換野,或者直接黎一次「鍊金召喚」,我當然係想搏一搏啦,點知伏到媽媽聲,一係3星角色,一係3星裝備……算啦,唔通直接彈隻5星出黎咩,最後我只能說:「你都係專心出黏土人啦奸笑社」。

g17

係呀,5星寶具好勁呀,但我啲人都用唔到

g11

佢連接任務同賣角色都打散左落「街」到

g19

鍊金屋係比人賣垃圾搏垃圾用

g18

唉,用唔著啲寶具唯有賣囉

Share to Facebook