封測到底玩乜野?《Hunter X Hunter World Hunt》簡介!
November 29, 2016 Share

封測到底玩乜野?《Hunter X Hunter World Hunt》簡介!

話說早排同大家提過突然曝光既《Hunter X Hunter World Hunt》終於係今日開始左封測,不過正常回合制手遊玩法都係果味野,唯獨呢隻新作真係望落似簡單,但其實好鬼複雜,依家異次猿就盡量咁同大家講解下啦……

1.對「念能力」基本認知

h2

一開頭快問快答婆婆會問你7條問題,當然你可以選擇沉默

一開始入到遊戲,快問快答婆婆會隨機問你7條問題,呢7條問題你可以唔答,但最後用水見式測試出黎既結果正路應該會係強化系以外既念系統,當然對自己個系唔滿意之後可以再創個小角色去答(最多創建3個角色),希望睇得呢篇野既朋友都睇過有生之年系列既《全職獵人》,唔係我講完一堆廢話都係好難明,總之一句到尾,如果你最後得出黎既結果係特質系咁我恭喜你,你可以話係萬中無一既神選之人。

水見式測試現象結果簡介:

強化系:水量增加。
變化系:水的味道改變,不同的人會改變成不同的味道。
具現化系:水中出現結晶體類的東西。
放出系:水的顏色改變。
操作系:葉片移動。
特質系:發生不同於其他五系的現象皆屬於特質系

h3

我花名叫得做「貞子」就緊係具現化系啦


2.整裝待發去冒險

h7

一開始都算多衫比大家揀架啦,但無男女限制

入到去育成介面之外,如果你對個角色既念系統感到滿意,就可以幫佢上裝備,裝備果到有分三種,左邊既會影響你戰力值既「主裝備」,但著到幾有問題都唔緊要,因為有中間只會影響外觀既「外表裝備」,同埋右邊再加多少少戰力值既「副裝備」,裝備好之後,就係時候搞埋你既「能力值」同埋「念系統等級」啦!

「能力值」果到我目前都比唔到建議,不過我係加「力量」同「速度」,即第一項同第三項,至於「念系統等級」果到,總係有啲同自己唔相近既「念能力」要升埋,唔係你根本裝唔到技……至於點解特質系無得修,因為都話係神選之人先學到,果個建議跟自己角色念系統黎升啦。

h6

作為回合制遊戲,我諗速度好重要掛?


3.隊伍及技能編成

一開始除左四主角,仲有比絲姬同希索加比你揀入隊

一開始除左四主角,仲有比絲姬同希索加比你揀入隊

玩完配點就係時候學技同編隊啦,先簡單講講編隊,同行果個除左四主角就仲有比絲姬同希索加,係我就唔諗啦,幾大都塞返佢地兩個入隊,星數我唔知係咪代表佢勁,但比絲姬個Cost只係得1,而次次佢都係最快死果個……不過其實個Cost係影響你去冒險用既行動值,唔知同角色強度有無影響,呢個遲下再深究,而「包、剪、揼」明顯就係簡單既屬性相剋概念,邊個剋邊個唔洗多教啦掛!差啲唔記得講埋右下角既SP卡,佢就類似作品中既「G.I篇」設定咁,打打下比你用張卡黎出技或者加能力,睇返張卡星數同效果自己執啦~

到我覺得好麻煩既技能編集,佢真係當我地個角色係機械人咁,目前我諗可以裝8個方塊,分別係3個主動技能,5個被動技,而主動技能就需要對返你既「念系統等級」黎裝,如果裝唔到果個技能你就留意返佢需要你既「念系統」,修得夠lv就唔會顯示你欠缺果個「念系統」,同埋我發覺佢啲技能名真係好樣衰,什麼挑釁001都可以做主動技,到底我玩緊既係獵人定機械人……而佢有啲技仲可以上粒珠加效果,不過真係好複雜,我都唔再講太多,留返正式上架先。

h9

估唔到學技學到要學到好似電路板咁……

h11

真係不禁令我諗起當年《洛克人EXE 3》果個強化系統


4.正式開戰

h4

目前可能封測關係,主介面望到既野都好少

終於搞掂晒一堆野都係時候去打主線,正式去試下佢個回合制到底又玩啲乜,不過佢目前主線好似打完炸彈魔就無左咁,睇怕呢隻GAME真係拎「G.I篇」黎做背景,而望落佢畫面似係兩三年前既手遊廢案依家再推返佢出黎咁款……而佢另一個用到BP值黎玩既野相信就係「公會戰」,但時間關係,未得閒去試,因此先跳左去講下佢個戰鬥介面先。

h5

剪髮佬慘被圍,呢獲仲衰過比小岡同基路亞圍揪

戰鬥介面主要係左上角加速同開自動,手動咪換下位同埋出下技,再唔係就右上角用卡技,不過佢出技,甚至用卡都要有一定回合先出到,揀好之後就係按速度黎排出手,上面果個望落似時間多過係回合,而簡單咁試完,發現佢好似未有需要用到石既位,但目前都只係封測,睇定啲再算……

h10

張卡上面既明顯係磊札,睇黎遲早有佢