為三神鳥爭光!《Pokémon GO》道館系統全面睇!
July 25, 2016 Share

為三神鳥爭光!《Pokémon GO》道館系統全面睇!

今日《Pokémon GO》正式登陸香港區,相信除左收服寵物小精靈之外,遊戲另一個特色就係為自己陣營出一分力,好好霸道館!有接觸過《Ingress》既朋友就知團隊合作都係一件幾重要既事黎,依家就為大家簡單介紹下道館系統啦~

1.提升訓練員等級及選擇隊伍

g7

訓練員等級升到5lv之後,就可以係3神鳥隊伍入面3揀1

呢個只係例子,並唔代表好多人揀黃隊既......

呢個只係例子,並唔代表好多人揀黃隊既……

首先,要玩道館戰就要將你既訓練員等級升到5lv先,都簡單講埋點樣有經驗值啦,得閒去PokéStop到打卡大約有100XP,捉到新既小精靈有600XP,重複入手都有100XP。當你訓練員等級升到5lv之後,隨便揀個道館,之後個博士就會問你想加入邊隊,呢個時候就隨心啦,不過入左就無得後悔,除非你開個新AC重練啦!


 

2.找出道館進行挑戰

求其隨便行近一個道館(圖中紅圈)

求其隨便行近一個道館(圖中紅圈)

同陣營就1on1爭位坐,唔同陣營就6打3狂轟

同陣營就1對1爭位坐,唔同陣營就6打3車輪戰

辛辛苦苦升到5lv又再揀埋陣營之後,當然就係搵道館黎挑機啦,係到又簡單講返先,道館會有佢既等級,所謂勝者為王,最勁果位當然負責做大將緊守最後既防線啦!所以如果你係同同陣營既對戰,只會係一打一,贏左既小精靈就取代同色自己友原來既位置。至於唔同色既對決,明顯就係踢館啦,果陣你就係可以揀六隻小精靈出戰,而因道館等級有限制既關係,人地就應該最多得三隻,所以呢個道館賽系統可以用四個字簡單形容:「易攻難守」。好好同朋友(當然要同陣營)合力守住你地附近既道館啦~


 

3.手速相剋決勝負

不斷禁自己隻寵物小精靈進行攻擊

不斷禁自己隻寵物小精靈進行攻擊

儲夠氣就可以出必殺技黎攻擊

儲夠氣就可以出絕招黎攻擊

到道館賽既戰鬥系統啦,其實每隻小精靈都有兩招技能,一招係狂禁隻小精靈作普通攻擊而使出,另一招要儲夠氣先可以使出既「絕招」黎,不過「絕招」當然要你慢慢狂禁攻擊對手先儲到啦,當你儲夠氣可以使出「絕招」既時候,就禁實隻小精靈,自然就會重創對手,不過當然要再睇返兩者既CP值,仲有技能上既屬性相剋。而戰鬥畫面右下角第一個明顯就係逃跑,下面果個就係切換小精靈,畢竟踢館果陣可以派六隻出戰……而戰鬥完既小精靈正路應該無晒HP,呢個時候打開背包,揀藥比佢食就可以。

第一次踢館已經慘敗......

第一次踢館已經慘敗……

小精靈打完一定要比藥佢食黎補返HP

小精靈打完一定要比藥佢食黎補返HP

題外話,啲人都升得幾快......

題外話,啲人都升得幾快……


4.堅守道館

如要正式踢館,需要連勝先得

如要正式踢館,需要連勝先得

將另一顏色陣營全部擊退之後,道館會變返白色(圖中紅圈)

將另一陣營全部擊退之後,道館會變返白色(圖中紅圈)

呢個時候仲要鬥快放置小精靈先為之完成

呢個時候仲要鬥快放置小精靈先為之完成

而同陣營既人就會同你分高下黎守道館

而同陣營既人就會同你分高下黎決定邊個守道館

經歷過失敗之後,終於搵到可以集火攻略既道館進行說明(雖然下一秒比另一陣營霸返),首先敵人陣營如果有4位「睇場」小精靈既話,就一定要攻陷晒先會令道館變成「無陣營狀態」,即係白色,呢個時候你就要九秒九揀一隻小精靈去守道館,如果有朋友(再強調係同陣營)同行,佢都可以放一隻做「睇場」,增添道館既防守力。