【B+】隨時變做大叔同蘿莉都無問題!《BLADE》短評!
April 20, 2016 Share

【B+】隨時變做大叔同蘿莉都無問題!《BLADE》短評!

之前就同大家講過有隻好重泡菜味既《BLADE》,如今終於出左,既然講到佢咁似《劍魔之戰》,當然要玩兩野黎睇下有咩唔同啦,不過佢宣傳圖有啲貨不對辦,所以一開波先扣佢少少分!但入面啲野都OK既,有興趣既朋友不妨諗諗,有時開黎連線同人單挑下都唔錯架~

b15

唔係講笑,個Leo睇佢插圖以為佢係型男,但其實係大叔黎,自己對返啲圈就可以知道佢遊戲入面個形象(下圖比埋你睇大叔個近鏡)

b9

職業雖少,但可隨意更換

相信有啲人玩玩下一個職業就自然又想玩下第2個咁,呢隻《BLADE》就唔洗你又創多次角,每次登入或者係大廳揀左上角再換角色都會問你揀邊個黎玩,即係話你得閒做下大叔又得,玩悶左就可以試下做蘿莉同御姐咁……相信都算幾耐玩,你就算玩死一個職都無任歡迎,例如我鍾意高橋李依(因為白貓係佢配熊蘿)所以就長玩魔道士無玩其他兩個,都唔會有影響。


 

b13

戰鬥介面簡單易明

都係左邊粒野拉住個人郁,右邊就攻擊同防守,中間果粒就係自動,右上角比你食血水補血,當然你好運搵到血池可以行埋去補一補,通常打大王之前都有,而佢自動同手動都係咁有樂趣,手動果陣你睇準時機防禦可以進行反擊,自動就相信唔洗多講,岩我呢啲大忙人黎推主線用。而佢技能都係得3招,去到20lv先開晒,目的就想你慢慢熟習下個操作,怕一次過比你用晒你都未必明白用招技既適當時機。


 

b8

用石需求少,時裝人人有

講真佢用石需求我覺得算幾細,始終你除左用黎抽S裝之外,就係用黎買時裝,或者洗副能力用,而副能力係時裝同主裝都有,當然短玩就唔洗咁執著,時裝方面你早期主線完左佢就送齊3個部位,當然,你真係有米既話,佢時裝都有個係外觀行先既位置比你再放一套時裝落果個位到,而啲寶石升lv就比1粒你,不過你有3個角色可以隨意換,慢慢體驗下都幾襟玩架~


 

b16

PVP系統隨機分配線上玩家,刺激度高

我唔知佢會唔會跟返你個等級分返相近既人比你做對手啦,後期分到個高lv人都唔知點算好,不過我打足7場都贏,有時對手個名係寫住虛無之魂後面再補堆數字咁,我諗緊會唔會係電腦角色呢?雖然話打人果陣都可以防守反擊,不過我呢個職真係用遠攻屈人機,拖一拖距離屈普攻就扣左佢唔少血……順帶一提,佢每3連勝又有得比你抽下野做獎勵,之後參加夠一定次數又可以拎下獎咁。


 

b6

雖然話負碌抽到S級武器,不過佢主線每到一個新區域又換一堆新裝比你抽,所以後期又會比其他裝比下去

b7

都無聊望望時裝,老實講,我覺得係得個蘿莉模組既睇得上眼,其餘兩位我嫌佢太「大陸樣」

b11

有時過完主線關有得打寶物庫,不過我唔知點解最後成日都只係抽到錢

b12

我已經懶打,反正都係原地戰鬥,自動就算

b5

SP比你用係技能既強化效果上,睇你想佢冷卻短啲定高攻啲等等

b17

連勝到用晒佢基本5次,一係等佢時間回返個次數,一係比1鑽繼續推

b14

最後整體覺得佢風景都唔錯,係人既模組我嫌佢「大陸味」左少少

遊戲畫質
3.5 out of 5
故事劇情
2.5 out of 5
音樂聲效
3.5 out of 5
耐玩度
3.5 out of 5
中毒性
3 out of 5
Overall

總括而言,呢隻《BLADE》韓風味好重,但因為太重,溝埋日本手遊文化搞到有少少大陸Feel咁,不過整體都唔算話食水深既手遊,得閒玩下當消磨都唔錯。

3.2

Average
3.2 out of 5