【A-】大家都係被選中既細路!《數碼暴龍Linkz》短評+進化表
March 25, 2016 Share

【A-】大家都係被選中既細路!《數碼暴龍Linkz》短評+進化表

大家期待既久既童年作《數碼暴龍Linkz》終於上架啦,玩左都成接近兩日都有,依家就為大家送上簡短既評測同進化表啦,其實佢呢隻手遊個進化表都係跟PSV果隻《數碼暴龍偵探》,所以直接拎返黎比大家參考下,不過咁多分支,點進真係好難建議晒比大家,唯有只能提醒大家V仔獸唔好亂進……至於最多人關心既開局建議就少少地作個整合啦,有兩個才能(即盾牌logo)優先,哪怕只係成長期,最好當然趁有活動直出完全體Carry啦,一係就帶住隻有愛既成熟期慢慢起家,好似非洲猶長既我咁,用時間換取戰鬥力。

a1

畫質算好,不過好到食成2GB就唔係太好

呢隻《數碼暴龍Linkz》雖然係回合制,不過佢進化等等畫面都做得好貼近返個數碼世界,因此佢不經不覺咁就要2GB,對我身邊唔少朋友黎講,好似都專登Del左某啲野先去玩,其實佢可以試下再處理得好啲既。


a3

系統玩法清楚易明,不過進化學技好難明

回合制玩法,夠AP就出技,岩屬就提你有利,唔岩屬就話同你講聲不利,的確好易上手既,不過進化既分支真係令大家好頭痕,始終唔係人人都玩過佢PSV隻數碼偵探,不過慶幸佢目前設施唔多,大家記住善用升級果舊野黎回體,你一日唔禁「建設完了」,佢都唔會即刻幫你回滿條體,放心!至於繼承技能方面,大家都係留意S.ATK同ATK既數值黎分技啦,而S.ATK即係魔法攻擊,相信大家都明白個數值會幾影響招技既傷害啦。


a4

其他位做得太陰濕,完全符合Bandai作風

呢到明顯數佢有咩位係陰濕既,首先係我地條體力,我地玩家無等級既,回體一係升建築,一係就比石回,再唔係等時間,整體黎講,升果個建築都係要等,即係你急起上黎都係要比5石。其他就係每日任務,目前主線都係得四個屬性既基本素材,你要暗屬同無屬似乎都要等星期六同星期日,然後到你需要黃金素材去進完全體,中級有時趺金色方塊可以係出銀都可以係出金,而上級就有機會全藍唔出金,真係幾陰濕下。丫,我唔記得同大家講,抽人有時極低機率會連埋才能比你,即係個盾,大家想隻數碼精靈勁又要靠佢,至於隊長技本身有就有,無就無架啦,真係衰到呢……仲有唔記得提大家,佢斷線之後派石要你入公告自己再收先有,真係陰濕到連派比你都無乜誠意囉!


最後就為大家送上進化表:

P.2幼年期

P.3成長期

P.4成熟期1

P.5成熟期2

P.6完全體1

P.7完全體2

Pages: 1 2 3 4 5 6 7

遊戲畫質
4.5 out of 5
故事劇情
2.5 out of 5
音樂聲效
3 out of 5
耐玩度
3.5 out of 5
中毒性
4 out of 5
Overall

總括黎講,呢隻GAME經Bandai手真係幾食水深,雖然係回合制遊戲,不過因為畫面唔錯玩落又幾上癮既,只係有啲位真係幾呃錢,需要大家用多啲時間慢慢搞佢咁解。

3.5

Average
3.5 out of 5