趣聞

七張圖說明一切!遊戲和戀愛,也沒多大分別

今日外國網站Dorkly就有網友分享了一則有趣的小型漫畫。網友Julia Lepetit就以七格漫畫和大家說明,遊戲和戀愛其實也沒分別,同樣初見時相當動人,實際相處又和理想中有很大分別,到最後一切都結束了,又會偶遇新的對象……人生啊! 點解溝女個條Line最後係拎住隻New Game!而打機個條Line最後係脫獨架!偽毒可恥! 原版漫畫傳送門

王者沒落?!《Puzzle & Dragons》市場極速萎縮

又到咗業界差唔多出時間表嘅時間!踏入二月,各大日本遊戲會社都紛紛發表自己的去年的業績。而今次主要睇番都係手機遊戲方面嘅成績先。2015年手遊霸主地位正式由Gungho易手到《Monster Strike》開發商「Mixi株式會社」, Gungho不但失去一哥地位,而且無論是營業額、營業利潤、通常利潤以及純利潤都錄得全線下降的頹勢,不過雖然數據顯示相當嚇鬼,但單計「純利潤」來說,錄得434億日元,比起首位的Mixi都只係差相差6億的距離。反觀今年因為小島秀夫離開,而導致民怨載道的「Konami」也難逃插水命運,而且插水插得相當之難睇,因為只是收得62億。   Konami控股(對比2014年同期增減率) 統計時間:2015年4月1日~12月31 營業額:1,792億5,100萬日圓(15.0%↑) 營業利潤:174億2,300萬日圓(62.3%↑) 稅前利潤:171億4200萬日圓(33.6%↑) 四期半利潤:62億7,500萬日圓(19.5%↓) 2015年中,主要帶動Konami手機市場的就是已經營運了一年,達到1900萬下載數的《實況威力棒球》,此外10月開始配信的同類遊戲《職棒野球魂A》在日本國內也是絕好調。國外市場也有表演出色的《Star Wars:Force Collection》,不過除著小島總監的離開,今後還能否保持這個表現也是未知之數……   Square Enix控股 統計時間:2015年4月1日~12月31 營業額:1,527億6,000萬日圓(28.5%↑) 營業利益:237億7,800万円(60.5%↑) 經常利潤:241億9,800万円(46.3%↑)

當任記角色變成魔女?外國玩家玩壞《WiiU大亂鬥》!

去年發售讓WiiU售量渡過美好一年的《任天堂明星大亂鬥WiiU》,本來已經星光煜煜,又集結了不少友廠人氣角色,賣點十足。不過正因為有那些非童話系的角色參戰,而令廣大玩家們有惡搞之機可乘!今次要為大家介紹的,就是Twitter用戶Smb123w64gb將所有角色的模組都套到《獵天使魔女》的主角Bayonetta之上,然後瑪叔易弟庫巴都要夾著大腿走路,就連噴火龍都俾玩壞了,這樣真的好嗎?(臉紅)  

又變軍票啦!《Puzzle & Dragons》TCG正式玩完!

相信大家都知《Puzzle & Dragons》係隻好出名既手機遊戲黎,之後無聊仲整多個內置既《PAD W》,又出街機同TCG等等,不過今日就要為大家帶黎一個壞消息,角川係今日宣佈將會停止開發《PAD TCG》,官方活動都搞埋3月20日都唔再搞,老老實實,有咩勁卡但你又等錢洗既好平平地放左佢啦,唔係越黎越多人知你就賣唔到好價錢……不過話時話,壽命得一年卡GAME黎講真係幾短命,真係入過坑既朋友,希望你無參加過比賽啦,唔係既話都只係剎那間既光輝。 最後送個宣傳片第三彈比大家回味下 資料來源:https://pad-tcg.com/news/info/post-2511

婦產人科M最新力作!WE 2016[冬]初展病嬌明日香

如果有玩開手辦的話,相信不會對風格獨特的「婦產人科M」感到陌生,在近日於日本幕張舉行的「Wonder Festival 2016[冬]」展出其最新作品,以《新世紀福音戰士EVANGELION》劇場版三大女主角,明日香、真希波、綾波麗三人為題材,配上「Beast(野獸)」的主題,造功相當精細,每隻均售10000日圓。 明日香 凌波麗 真希波

AWE me再發功!重鑄《Bloodborne》鋸肉刀

由美國電影專業道具組「AWE me」提供,曾經多次打造電影、遊戲各種奇幻兵器,包括亞典娜雙刀以及霜之哀傷等,昨日又推出一條勁爆新片,就係上年滿譽榮歸的《Bloodborne》知名武器 – 「鋸肉刀(Saw Cleaver)」。一如既往,今次鑄造的這把鋸肉刀除了外型神似,重量感十足之外(一個1.8米高的洋腸需使用雙手才能揮動),更還原了其可供摺疊的特性以及在刀背上的文字,然而唯一美中不足之處,就是不能進行機關彈射開合。最近香港風頭火勢,小編真心想親自打造一把傍身咧……

震驚國際!全球首部神級機械一秒玩完扭計骰

講到玩扭計骰,本站幕後嘅科技猿都有一手,以前讀書個陣成日都同我講,條數有得計。但係識咗佢咁多年,都無話過我知條數係點計(佢一定確定以至肯肯定就算同我講完,我都係唔識計)。而今日終於出現了一部超越人類極限嘅扭計骰轉轉機出現,呢部機由德國人Albert Beer開發,名為Sub 1,完成一個扭計骰只需要0.887秒,呢部地球儀咁嘅嘢依家已經申請緊專利,將列入健力士世界紀錄。