Posts From 銀河土拔鼠

去年發售讓WiiU售量渡過美好一年的《任天堂明星大亂鬥WiiU》,本來已經星光煜煜,又集結了不少友廠人氣角色,賣點十足。不過正因為有那些非童話系的角色參戰,而令廣大玩家們有惡搞之機可乘!今次要為大家介紹的,就是Twitter用戶Smb123w64gb將所有角色的模組都套到《獵天使魔女》的主角Bayonetta之上,然後瑪叔易弟庫巴都要夾著大腿走路,就連噴火龍都俾玩壞了,這樣真的好嗎?(臉紅)  

今日在新宿由Playstation與Sega合作,以上個月推出的《人中之龍極》為主題,展開一連串情人節活動!而在開幕人更請來日本搞笑藝人NON Style的井上裕介先生前來助陣,穿過由兩行8位,總共十個位兇神惡煞的黑道,走到美麗的大家姐前面,取得情人節朱古力。嘩……管理猿見到咁嘅陣樣都嚇一嚇,真係毒小小嘅宅男見到都腳軟,都話咗《人中之龍》係男子漢先識欣賞嘅遊戲架啦!嗚呀,我都想去一去試膽大會,係和服美女大家姐手上拎到呢份朱古力呀TAT

由已經宣佈了解散的《Bioshock(生化奇兵)》團隊開發,早前已經在Kickstarter集資開發這款名為《The Flame in The Flood》的小品新作,這個作品其實早在去年9月已經在Steam上進行預售,並且提供試玩版讓玩家優先加入測試,而最終敲定版將會是2016年2月24日發售。本作的主題就是近年大熱的「末日求生」,玩家扮演名為Scout的求生者,帶著和自己一同在洪水為患的大陸上求生,你的目標就是留著性命一直順著河水的流向走往終點,但在過程中你會遇上需要解開的謎題,以及各種生理需要,比方說生病、飢餓、中毒、過勞、創傷等等。然而,當你的角色一但死亡,便要重新開始,唯一不同的是河流的動向會重新編排,繼而令玩家要展開一段全新的旅程。本作定價為港幣119元,只登陸於MAC、PC、Xbox One平台之上。

都當賣下廣告,Steam連結:http://store.steampowered.com/app/363150/ 今次呢篇野都唔算係攻略,只係見今日初三赤口想分享下遊戲呢個大Bug咁姐,因為係《三國志13》入面,大家真係可以唔洗打仗都贏到人地,只要你智力高就得!明張目膽可以用火影嗚門既最強忍術奧義,口遁-相信我之術! 主要都講講個流程啦,首先你要比個「勸告」任務自己(即主角),如果你君主應頭,或者你就係君主既話,Save一Save再出發啦,之後去到談判果個城池果陣,唔好去市政廳住,係城市果到拜訪一個武將,最好係君主既親信,然後「籠絡武將」,正路佢應該會趕你出去,再扣親密度,如果無趕你的話,Load返個檔再撞二個啦。跟住你就可以去市政廳揀「談判」打三次口水戰,贏左三次辯論之後,當然就係最終交涉,直接和水散水啦~因為上面條棒差唔多夠100%,但都可能個君主太麻煩要辯論多次既,不過同勢力差距真係無關係,絕對真係以小吃大。(但既然係Bug既關係,下面紅色既士字頭勢力正路都係要搵人剷佢) 圖源:https://webptt.com/m.aspx?n=bbs/Koei/M.1454380236.A.1C5.html

相信大家都知《Puzzle & Dragons》係隻好出名既手機遊戲黎,之後無聊仲整多個內置既《PAD W》,又出街機同TCG等等,不過今日就要為大家帶黎一個壞消息,角川係今日宣佈將會停止開發《PAD TCG》,官方活動都搞埋3月20日都唔再搞,老老實實,有咩勁卡但你又等錢洗既好平平地放左佢啦,唔係越黎越多人知你就賣唔到好價錢……不過話時話,壽命得一年卡GAME黎講真係幾短命,真係入過坑既朋友,希望你無參加過比賽啦,唔係既話都只係剎那間既光輝。 最後送個宣傳片第三彈比大家回味下 資料來源:https://pad-tcg.com/news/info/post-2511

如果有玩開手辦的話,相信不會對風格獨特的「婦產人科M」感到陌生,在近日於日本幕張舉行的「Wonder Festival 2016[冬]」展出其最新作品,以《新世紀福音戰士EVANGELION》劇場版三大女主角,明日香、真希波、綾波麗三人為題材,配上「Beast(野獸)」的主題,造功相當精細,每隻均售10000日圓。 明日香 凌波麗 真希波

由美國電影專業道具組「AWE me」提供,曾經多次打造電影、遊戲各種奇幻兵器,包括亞典娜雙刀以及霜之哀傷等,昨日又推出一條勁爆新片,就係上年滿譽榮歸的《Bloodborne》知名武器 – 「鋸肉刀(Saw Cleaver)」。一如既往,今次鑄造的這把鋸肉刀除了外型神似,重量感十足之外(一個1.8米高的洋腸需使用雙手才能揮動),更還原了其可供摺疊的特性以及在刀背上的文字,然而唯一美中不足之處,就是不能進行機關彈射開合。最近香港風頭火勢,小編真心想親自打造一把傍身咧……

日版三月就發售,遊戲開發都進入了最後階段,近日在日本就有玩家試玩了本作的序章關卡,示範如何不卡關地通過遊戲的第一個Boss「灰之騎士」。而這位日本的玩家所使用的武器,就是威震初代一周目的「長槍+盾」組合,在攻防之中仍然相當之有優勢。在試玩的最後,同樣地第一個火篝便是火祭場,火防女會在這裡繼續為你服務,同時,在升級的界面中透露出今集角色的屬性分別有「生命力、集中力、持久力、體力、筋力、技量、理力、信仰、運」等9種,並且除既有的出血、毒、咒死狀態外,還多了一個「冷氣」。本作日文版將於3月28日發售,而中英文合版則要4月12號發售。

講到玩扭計骰,本站幕後嘅科技猿都有一手,以前讀書個陣成日都同我講,條數有得計。但係識咗佢咁多年,都無話過我知條數係點計(佢一定確定以至肯肯定就算同我講完,我都係唔識計)。而今日終於出現了一部超越人類極限嘅扭計骰轉轉機出現,呢部機由德國人Albert Beer開發,名為Sub 1,完成一個扭計骰只需要0.887秒,呢部地球儀咁嘅嘢依家已經申請緊專利,將列入健力士世界紀錄。

特設網站:http://pad.gungho.jp/member/collabo/160208_bleach.html 新年相信大家都好努力逗利是錢,不過有「薪水小偷」之稱既《漂靈》將會同《Puzzle & Dragons》合作,睇黎大家既利是錢都會凍過水……其實一早都有表明話會合作,只係今日有埋人設出黎,等大家可以留定錢去課金姐~而目前唔見冰輪丸同藍染等等,可能留返下次再講或者變左做Boss都未定。