Posts From ezak

係香港,人靚聲甜通常都係用黎形容歌手,不過係日本,大家睇動漫除左留意某一個角色之外,可能仲會有人留意埋背後人靚聲甜既聲優們,因此難免會出現一班好瘋狂既Fans,抑壓不住心中嘅愛而去騷擾佢地,輕則關閉Twitter重則報警求助,最近上坂堇就不幸成為事主之一。到底日本發生聲優被騷擾嘅事件有幾咁嚴重呢?依家就一齊黎睇睇那些年慘被騷擾既聲優們啦。 (小編按:換個角度睇,有時覺得有人記得香港嘅配音員個名,已經真係一件值得開心嘅事(´;ω;`))     下頁續

事前登錄連結:https://soulgauge.gamebank.co.jp/ 話說由GameBank開發既2D風迷宮冒險新作《Soul Gauge》事前登錄人數就突破左8萬人,係今日就對外曝光遊戲既最新情報比大家過下癮,依家一齊黎睇睇啦~同埋都係果句,未做事前登錄既朋友就快啲去做啦,因為應該好快就會上架!

唔知大家有無玩過《地下城與勇者》(DNF)呢隻Online Game,無玩過唔緊要,因為只係講個比較貼切既例子,相信有唔少人都鍾意玩橫向卷軸冒險遊戲,因為打一堆Combo連死人真係好爽皮,而呢隻《Train Crasher》相信可以比大家過下手癮,自問自己係Combo王既朋友不妨下載黎試下啦~

遊戲官方網站:http://gunvolt.com/GV2/ 任天堂今朝就有個網上直播發表會,當中就有提到洛克人之父稲船敬二將會聯同班底(稲船敬二係監修)打造《蒼藍雷霆鋼佛特》既新作《蒼藍雷霆鋼佛特爪》,並講明會係夏季於3DS既eShop上面推出,售價係1960日元,各位玩開洛克人系列(特別Zero同ZX)既朋友就要密切留意啦~(希望唔好好似《麥提9號》咁一拖再拖)

現場測試報名連結(記住開VPN入呀):http://pokemongo.nianticlabs.com/index.jsp 相信咁多位訓練員呢排都係關心緊《精靈寶可夢》呢單野,不過唔好忘記仲有個《Pokémon GO》等住大家!官方就係今日宣佈正式宣佈開始招募官方現場測試既玩家,只要你有Gmail就可以,不過去個網站報名既時候記住要開埋VPN,但諗諗下或者要你住係日本先有得現場試下,點都好啦,呢個現場測試就係3月下旬開始既,即係正路4月頭應該又會再有最新消息架啦~

話說近日見到樂瞳代言一隻叫《夢之國度》既手遊,當然手痕下載黎試下,睇下隻Game好唔好玩啦,整體黎講食錢位唔算多,玩法主要都係禁禁禁,要你做既野真係唔多……   專為懶人而設既戰鬥系統 一黎就當然講下佢個戰鬥系統先啦,其實雖然係回合制戰略遊戲,但你真係唔洗禁任何野佢都會自動同你打,你禁既通常都係集中攻擊既目標,同埋你夠能量可以用到既技,不過一開託管就唔洗諗咁多野,基本上你走去做其他野都唔怕,除非你打緊既怪好變態,或者你啲裝同英雄唔夠勁,否則真係慢慢任你點掛都無問題!   真‧掛機系統 我諗大家都唔會淨係玩一隻手遊,咁你玩緊第二隻手遊既同時,呢隻Game真係可以熜左佢先,到你想開返佢先再開出黎,咁佢就會問你要唔要雙倍獎勵,有錢既咪要雙倍,唔想洗錢既普通獎勵你都唔會蝕,另外佢每日活動有時要你組隊先打得,不過佢可以幫你自動組,當然,如果你係隊長既就自己郁一郁去接任開波啦,但你開始左之後就可以掛機架啦。(但今次就唔好熜App啦)   時裝唔出好過出 差唔多隻隻Game都有時裝系統黎吸金,呢隻都唔例外,不過我真係覺得佢唔出好過出,首先佢只係得一款,其餘果啲只係話你知果個LV件衫會係咩外觀,而佢件時裝已經唔係永唔永久既問題,而係你除左要有石之外,你仲要有所謂既「魅力值」,「魅力值」點黎呢?就係要人地送花比你,不過送花就要入商城買先得。大佬!我都買唔到時裝黎著,邊忽有機會令人感覺得到我有「魅力」呢?所以我覺得佢時裝不如唔出好過出。   畫質不過不失 以手遊黎講,呢種畫質同畫風都唔算差架啦,但相信好多人都見樂瞳做代言先玩呢隻Game,所以一開始佢會塞隻樂瞳入你隊,等你可以丁佢把聲,呢點本來係好好,但我覺得個遊戲形象可以再做返好少少……因為依家咁睇好似變左欣宜咁款。   最後附加吐槽式遊記:

大約1月果陣都同大家講左《阿松》會遊戲化,2月頭大家見到個事前登錄開始左六日就突破左40萬人,到今日呢隻《阿松的私己錢戰爭》終於有得玩啦!如果想同六胞胎瘋狂賺錢既話就快啲下載啦~  

相信大家都好鍾意睇漫畫,不過有啲漫畫家個效率就高啲,有啲就低啲,最近有人回帶講返JUMP既漫畫家佢地張工作枱係點樣,未睇過既朋友就不妨等下老師們係咩環境之下畫啦~ 尾田榮一郎,代表作《海賊王》 岸本齊史,代表作《火影忍者》 久保帶人,代表作《薪水小偷漂靈》 空知英秋,代表作《銀魂》 小畑健,代表作《死亡筆記》 天野明,代表作《家庭教師HITMAN REBORN!》 青山剛昌,代表作《名偵探柯南》 外出取材中的冨樫義博,代表作《全職腰痛獵人》

早期封測完以《部落衝突》作為故事背景既即時多人對戰遊戲《Clash Royale》中文版終於正式上架啦,各位打開LOL、Dota既朋友不妨下載黎試下啦~

相信好多人都知道《劍靈》呢隻Online Game,但大家又記唔記得NCsoft早係2014年底曝光既手遊作《Blade & Soul Mobile》呢?騰訊係今日就宣佈將會係3月10日正式係中國大陸開始展開營運,仲幫佢譯左個名叫《戰鬥吧劍靈》,唔怕睇簡體字既到時應該可以下載APK黎玩,但依家都係睇住圖過過癮先啦~