新入坑必睇!《Pokémon 太陽/月亮》重點冒險心得合集!
November 22, 2016 Share

新入坑必睇!《Pokémon 太陽/月亮》重點冒險心得合集!

隻GAME都差唔多出左成個星期,發現有唔少朋友係冒險都有啲問題,依家就盡量以Q&A既形式盡量解答各位訓練員既疑難啦~

重點冒險心得合集

Q1:隻甲賀忍蛙點拎?隻小卡比獸又點拎?

甲賀忍蛙要玩體驗版先拎到,係體驗版既小精靈搵庫庫伊博士發送到正式版。
小卡比獸就開GAME之前揀神秘禮物之後再連上網收。

建議玩到入小精靈中心先收隻小卡比獸

建議玩到入小精靈中心先收隻小卡比獸

可以係任何一間小精靈中心搵到NPC收獎勵

可以係任何一間小精靈中心搵到NPC收獎勵

記住係體驗版到搵博士發送左先有

記住係體驗版到搵博士發送左先有

Q2:點解人地有齊三隻御三家既?

可能係洗Save,主要係用兩部機兩隻遊戲黎完成,一個只係負責接收,一個負責不斷開新紀錄玩到去完研究所之後比寵,另一種就自然係GTS同人換,主要係用自己隻生蛋再要求人地果隻係咩,再唔係就朋友間直接生蛋交換

洗save既話玩到呢個位就入廣場

洗save既話玩到呢個位就入廣場

Q3:御三家得一隻,點樣生隻蛋比人?

飼育屋係2島個牧場到,有得直接飛,然後準備一隻百變怪,百變怪可以係天文台條山路遇到,建議再準備一隻有「火焰之驅」特性既小精靈(例如鴨嘴火龍,火山到可以遇到),之後掉隻百變怪同你想生蛋果隻小精靈入飼育屋,正路行開一段時間門口個NPC就會比隻蛋你,最後帶埋隻「火焰之驅」特性既小精靈行住等孵化

百變怪出沒位置

百變怪出沒位置

NO.209 百變怪

NO.209 百變怪

Q4:點解我裝唔到粒Z結晶或者裝完都無顯示招技比我用既?

Z招式其實都需要對返招相應招式先裝到同用到,就好似御三家就要佢最終進化學到果招,卡璞守護神就要有「自然之怒」,畢竟Z招式一次戰鬥只可以用一次,但都係計PP……再講埋屬性Z結晶,如果假設你隻小精靈係草系,你裝完粒Z結晶比佢,但你洗到佢一招草系攻擊技都無的話,同樣唔會有得比你用

比卡超粒Z結晶就同呢個姐姐拎,招技都係搵佢學

比卡超粒Z結晶就同呢個姐姐拎,招技都係搵佢學

Q5:今代仲有無Mega進化?如果有,啲石又點樣入手?

呢一代當然仲有Mega進化啦,不過就要完成左一周目再去觸發個劇情先可以用,而免費入手既Mega石得胡地(我跟佢譯算),仲有第一代御三家,但第一代御三家既Mega石要係對戰樹贏20場先,咁Red先會比你,而其餘既Mega石就要用BP係對戰樹到換

反正都要經呢條路先去到戰鬥樹,附左片教埋大家去

反正都要經呢條路先去到戰鬥樹,附左片教埋大家去

Q6:小星雲(科斯莫古)點拎架?呢隻神獸除左收藏之外仲有無用?

小星雲拎法好簡單,都係要先完成左一周目先,之後隊入面帶住封面神,現實時間夜晚去日輪祭壇(你月亮版就叫月輪),上到頂再調查裂縫,日月世界轉換之後就去日輪湖(月亮版都係差一個字),行到最入觸發劇情,咁就拎到,但要升到53lv再對返隻野所在既版本而決定佢係進化成索爾迦雷歐或露奈雅拉

拎完得5Lv,同鯉魚王一樣要人CARRY上去

拎完得5Lv,同鯉魚王一樣要人CARRY上去

Q7:今集伊貝點樣進化?

伊貝有好多種進化,火水雷就係麗姿間寶石店直接買石頭搞掂,太陽同月就留意天色黎升lv升親密度進化,冰就去聯盟前面個冰洞係粒冰石附近升lv,草就去返草考驗個森林行到最入搵粒草石,之後都係附近升lv進化,最後仙子伊貝就係照料介面多啲比野佢食摸下佢,有學妖精屬性既技同2粒心就可以進化
**補充多點,唔關伊貝家族事,特殊磁場地點即係大峽谷,要進化成自爆磁怪同大朝北鼻,仲有隻新一代既鍬農炮蟲就去果到。

進葉伊貝粒石係個森林入面呢個位

進葉伊貝粒石係個森林入面呢個位

冰果粒最易搵,倒返轉入冰洞就搵到

冰果粒最易搵,倒返轉入冰洞就搵到

Q8:立方獸今代都有?

完左一周目之後,以太基金會班人會好想贖罪,所以去卡璞村個以太之家右手邊間房就拎到一隻立方獸同裝左通訊交換可以進化用既升級資料,想再進化就要去以太樂園搵1F扎奧博,同佢打完就會比可疑修正檔你,順帶一提,隻屬性:空可以係埋2F保育區搵格拉吉歐拎,雖然兩者無關係

算啦,我叫慣立方獸難改口

算啦,我叫慣立方獸難改口

同一間房送埋進化道具

同一間房送埋進化道具

要打贏佢先拎到

要打贏佢先拎到

Q9:今代搵邊個先可以回憶技能?代幣心之鱗片又點拎?

想回憶技能要去到聯盟前既小精靈中心搵右邊既婆婆先得,至於心之鱗片只要係島上啲餐廳比錢食飯就會拎到。

搵呢個婆婆就可以回憶技能

搵呢個婆婆就可以回憶技能

完左一周目仲會有「請食飯」既劇情出現

完左一周目仲會有「請食飯」既劇情出現

Q10:1島(美樂美樂島)上既通海洞穴同卡拉蔚灣點去?地圖仲係黑左搵唔到路入!

其實佢個位好陰濕,係要你先入美樂美樂花園,再行去左邊穿入去先到通海洞穴,出埋去自然就係卡拉蔚灣,所以下次用島嶼掃描都唔洗怕抽中果到。詳細都係睇片好啲,順帶重溫返沙漠條路線。

Q11:今代仲有咩化石小精靈?而粒化石又點入手,同埋搵邊個NPC將粒化石變返做小精靈?

太陽同月亮分別可以係可霓可市麗姿間寶石店買到兩粒化石,而呢兩粒化石可以去8號道路一個暗位入去搵個農夫大叔,佢會對應版本比唔同既化石小精靈你,而化石飛龍就唔洗先拎舊化石,直接係波尼島條村入左邊一間屋搵個女精英訓練員就直接送比你。

呢個農夫有田唔去耕,走黎呢個地方扮博士幫大家整化石

呢個農夫有田唔去耕,走黎呢個地方扮博士幫大家整化石

直接送隻40lv既化石飛龍,但今代粒Mega石就甘啦

直接送隻40lv既化石飛龍,但今代粒Mega石就甘啦


【Facebook討論區】

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

【主線攻略】

第一章   美樂美樂島】 【第二章   阿卡拉島】 【第三章   以太樂園
【第四章 烏拉烏拉島】 【第五章 以太基金會的黑暗】
【第六章 波尼島】 【最終章 阿羅拉聯盟】

【實用資料】

【圓慶廣場連線全攻略】 【二周目究極異獸流程】

【瑪機雅娜入手方法】 【四島守護神捕獲方法】

【重點冒險心得合集】 【今代實用精靈推薦】

【阿羅拉型態精靈簡介】 【100粒細胞位置全覽】