吾乃神選之人!《Pokémon 太陽/月亮》四島守護神捕獲攻略!
November 20, 2016 Share

吾乃神選之人!《Pokémon 太陽/月亮》四島守護神捕獲攻略!

話說故事就劇透晒,連影響和平既究極異獸都搞掂埋,咁作為一個阿羅拉冠軍仲差啲乜?當然就係四島既守護神既支持啦!所以今次就教埋大家捉四個島既守護神~未入手既訓練員不妨留意下啦。

【戰前準備】

1.一隻可以學識招式學習器No.54「點到為止」既小精靈,例如狙射樹梟。

2.一隻有令敵人陷入睡眠狀態既小精靈,當然呢個因人而異,就算無都唔怕,畢竟令守護神陷入睡眠只係增加多少少捕獲率。

3.各類回復藥補給用品,畢竟預定可能捉既時間會比較長

4.當然要有大量精靈球啦!無波點捉呀?建議除左高級球之外可以去阿卡拉島皇家大道既超值超市買計時球,或者到8號道路既小精靈中心既商店買黑暗球,之後會詳細講解。

5.帶上封面神,摸守護神像開戰之前Save一Save雙重定驚。

做得冠軍,當然要得到四隻守護神既信任同支持啦

做得冠軍,當然要得到四隻守護神既信任同支持啦


【美樂美樂島守護神-卡璞‧鳴鳴】

g12

正路應該可以直接飛去戰爭遺跡

卡璞‧鳴鳴係主角第一隻遇到既守護神,因為就係佢一開始救起主角,仲將Z石送比佢,所以先話主角係神選之人!不過其實一打完冠軍就自動有劇情去對戰,果陣如果收服到就唔洗再理,果陣唔小心打死左佢都唔洗驚,因為佢只係預你入手四位守護神專用既卡璞Z結晶,至於呢次親自再去收服佢就真係記得開始戰鬥之前要save一save啦~

g1

骷髏隊已經解散左,但都係咁MK……

g3

當然係利利小鎮再行一次當執野都可以

每隻守護神一出場都會先開特性果招場地技5個回合,就以卡璞‧鳴鳴為例,佢既電氣場地會增加電系招式既威力,而且唔會陷入睡眠狀態,除非你等佢果5個回合完左,或者用第二隻守護神洗走佢個場地技能,否則真係一開波無得令佢訓教,戰術無咩好講,只能說無「手下留情」呢招就預下戰力,打到佢黃血或者紅血就先掉黑暗球,最好等佢遊戲時間夜晚捉,機率高過用高級球,掉左大約10粒都收服唔到就轉計時球啦~

g2

戰爭遺跡-卡璞‧嗚嗚


【阿卡拉島守護神-卡璞‧蝶蝶】

g13

經過同麗姿一戰,呢到一早直接飛得去

呢隻卡璞‧蝶蝶相信係究極異獸來襲果陣先出過一次鏡,其餘都對話提及下,點都好,相信呢個生命遺跡因為麗姿劇情果陣黎過,所以可以直飛過去,不過入到就要用一用怪力玩智力推石仔遊戲,但唔難推,推到自己有路行入去摸守護神像就可以。

g4

摸守護神像前,都要用怪力推下石仔

g5

速度慢啲果位就覆蓋先開啟既場地效果

既然放到做第二隻守護神,咁我就預你最少身上已經有一隻守護神先,其實每位守護神都識一招「自然之怒」,呢招其實係值得你收服佢之後入隊直接直落捉守護神既旅程(當然最好去精靈中心補個血先),因為「自然之怒」除左係卡璞Z結晶既觸發條件技之外,主要因為佢效果係直接扣敵人一半血量,咁就唔怕大大力打死左隻守護神啦~捉法照舊,不過呢隻可以一黎就比異常效果,因為精神場地只係加超能系招式威力同防止先制攻擊。

g6

生命遺跡-卡璞‧蝶蝶


【烏拉烏拉島守護神-卡璞‧哞哞】

g14

呢個就無得直飛啦,真係要行下先到

呢隻卡璞‧哞哞要穿過個沙漠先入到遺跡,但唔係話你直行就得,異次猿已經簡單拍左條片教大家,放心啦,畢竟NPC既提示都未必話真係好清楚咁教……建議大家飛到卡璞村起程,之後向右行,過左幽靈屬性考驗就可以解除果到既隊長門入去沙漠到。

g7

記住拎埋粒超能力Z結晶

既然沙漠果到動左腦又睇埋片,呢到都應該唔需要太多,第一隻教大家用精靈球既捉法真係四隻通用,而呢隻卡璞‧哞哞因為青草場地既關係,頭5回合都會補血,而地震及重踏既威力都會減半,所以應該都係要花少少時間先至會收服到佢。

g8

豐收遺跡-卡璞‧哞哞


【波尼島守護神-卡璞‧鰭鰭】

g15

做主線都入過,直接飛是常識吧

終於到最後既卡璞‧鰭鰭,大家記得主線哈普烏得到成為島嶼女王都係需要佢認同先做到,雖然佢當時無露面,不過主角係主線果陣真係連遺跡都行過入去,但果陣入去當然無得捉啦,依家做左冠軍就真係有得捉啦,直接飛去彼岸遺跡入去搵佢啦!

g9

不過佢個水環好煩,用一次就每回合慢慢補少少

終於到左最後一隻,不過由於佢場地技問題,頭5回合異常狀態同混亂都唔會中,而且佢個水環好煩,每回合回少少,但都係建議用「自然之怒」或者「手下留情」慢慢磨,先開頭用黑暗球捉,之後用左10粒都唔得就改用計時球去捉,最後祝願各位成功,成為連守護神都征服既神選之人!

g11

彼岸遺跡-卡璞‧鰭鰭


【Facebook討論區】

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

【主線攻略】

第一章   美樂美樂島】 【第二章   阿卡拉島】 【第三章   以太樂園
【第四章 烏拉烏拉島】 【第五章 以太基金會的黑暗】
【第六章 波尼島】 【最終章 阿羅拉聯盟】

【實用資料】

【圓慶廣場連線全攻略】 【二周目究極異獸流程】

【瑪機雅娜入手方法】 【四島守護神捕獲方法】