【遊猿攻略組】《Pokémon 太陽/月亮》二周目完美劇透流程!
November 19, 2016 Share

【遊猿攻略組】《Pokémon 太陽/月亮》二周目完美劇透流程!

爆完一週目,都係時候講埋劇透埋二周目既流程比大家知,畢竟有單純為追劇情既朋友都問我理事長係咪瓜左之類……依家就為大家同講下二周目個故事啦,整體黎講算係一連串支線任務,值得攻略一番。

【外傳 究極異獸】

話說爆機打完隻守護神之後,劇情就交代女主角莉莉艾因為希望救到佢媽媽(即理事長露莎米奈),所以就坐船出發去左關都地區,哈烏條死仔仲流晒馬尿添……然而博士又講左啲說話振奮下人心咁啦,劇情完之後主角先開始係間屋到開始返自由活動,然後準備出門口果陣,哈烏入左黎比埋另外兩隻御三家專用既Z結晶,聲稱係佢爺爺比佢既。

ub1

都估到會拎齊晒啲Z結晶架啦


UB01:寄生物】

然後主角一出門口就發現一位地中海阿叔,呢位阿叔就比左主角一張奇異卡片,望望卡片既內容就叫主角去8號道路既旅館等,然後去到之後,白金版到依家一直老是常出現既帥哥又黎料,話自己係國際警察,剛才個地中海只係喬裝,究極異獸Ultra Beast(下稱簡略為UB)出現係阿羅拉各地係關佢事,希望主角身為冠軍會助佢地一臂之力咁話。

ub2

其實你係咪體驗版果個神秘叔叔

有追開系列作既朋友對佢都唔陌生

有追開系列作既朋友對佢都唔陌生

為左捉稀有小精靈,作為主角當然要伸出援手保護阿羅拉啦,不過帥哥身邊位上司莉拉就話要測試下主角既實力所以同主角打返場先,主要都係用超能系既高lv小精靈,戰鬥過後就希望主角去以太樂園一轉聽一聽從來都無奸過既碧珂得知UB既資料。

其實連莉拉都係客串角色

其實連莉拉都係客串角色……

去到以太基金會之後,即刻落地下2樓既研究室搵碧珂,碧珂就話希望為理事長既過錯作出補償,所以會全力支持國際警察同主角去捉UB,仲送左10個捉UB專用既究極球,但聲稱用左成百萬黎開發,因此要睇準時機先好掉波捉?!(題外話:分部長扎奧博比人降左職,只能說樣衰,不過搵佢打完可以拎到可疑修正檔,升立方獸用。)

記得上保育區拎埋隻屬性:空

記得上保育區拎埋隻屬性:空

呢10個究極球係咪真係咁貴呢?

呢10個究極球係咪真係咁珍貴呢?

拎完10個究極球之後就入戲肉,返去旅館搵帥哥,帥哥就話得到線報,話UB01係兩個地方出沒,數量得1隻,叫主角去捉,而莉拉就負責疏散人群,其實是但搵個佢指定既地方就得,而且可以開左黃金噴霧先入草叢遇UB,地方去岩的話,背景音樂會變,而遇到UB既時候,戰鬥開場音樂都有唔同,所以可以放心咁捉,至於捉UB01既時候,佢滿血我就飛左粒波去捉,但唔知係咪咁岩好運,都計我捉到……捉完返去搵帥哥話收服左UB就可以,唔洗放UB入隊。

**補充:如果用左噴霧完全遇唔到UB的話,試下掛隻低lv少少既精靈係頭

ub8

超級後援帥哥

ub9

一發入魂,但其實可能都會失敗……

ub10

UB01回收,總數一隻


【UB02:膨脹/美麗】

捉完第一隻UB之後,莉拉解釋話如果收回UB都只會令佢地做研究,所以希望主角好好保管同使用,之後帥哥就話想請大家食好西慶祝,不過比莉娜質問點解咁熟悉阿羅拉既野,然後講笑之後就話又接到UB既線報,由於隻UB出沒地係美樂美樂島,帥哥就話係美樂美樂島2號道路既旅館到等。

ub11

稀有寵整定都係要比主角架啦

去到2號道路既旅館之後,默丹大叔出現,原來佢地三個人都係識,不過今次出現係因為呢位島嶼之王實在太HEA,所以比人叫左去傳話,得知出沒地係美樂美樂花園,仲要係2隻之後,好似剛才咁直接去捉就可以,但建議真係打到佢黃血先掉波,而今次要捉兩隻其實都有個小原因,其實小標題話UB02個代號係膨脹或者美麗,主因係因為太陽同月亮版果隻野係唔同,所以預大家捉多隻交換咁話。

**月亮版呢到需要去蔥鬱洞穴捉4隻

ub12

低調島嶼之王默丹再次出現

ub13

因為唔係100%成功捕獲,所以每次比10個

UB02回收,總數兩隻

UB02:膨脹回收,總數兩隻(太陽)

UB02:美麗回收,總數四隻(月亮)

UB02:美麗回收,總數四隻(月亮)


【UB03:雷電】

回收完2隻UB之後,帥哥話今次真係會食到好西,不過啲野當然未捉晒係唔會停啦,所以又接到線報話UB係阿卡拉島出沒,於是又返左去8號道路旅館到等,點知去到就見到流浪隊長茉莉,呢位負責妖精屬性考驗既隊長終於有機會同佢交個手,所以開始任務之前要同佢戰鬥,佢會帶住5隻妖精系既高lv精靈,打完之後又真係去捉UB啦。

ub15

所以就得閒到搵主角打返場……

ub16

其實問完發現究極球咁貴但點解唔係必捉UB架呢?

捉法照舊,噴黃金噴霧去佢指定既發現點,我揀左回憶之丘,但UB03無版本之別,不過都要大家捉兩隻,唔知係咪方便比大家用黎做交換既籌碼呢?又或者多出黎果隻比大家送比朋友之用?點都好啦,究極球每次只會送10個,捉果陣真係小心,畢竟打到紅血都可以失敗架……(有時諗點解佢唔直接送完10個就算,改做100%捕獲好過啦,反正又無得賣出去)

ub17

UB03回收,總數兩隻


【UB04:劈斬/噴射器】

捉完UB之後,莉拉既身體狀況明顯有問題,不過都係要頂硬上,鬼叫無得休息咩,話口未完又收到線報,今次隻UB係烏拉烏拉島出沒,數量仲要係4隻,於是又準備用瞬移大法叫主角去13號道路間旅館等,相討作戰事宜咁話……

ub18

其實莉拉一直都係誘餌……

去到之後,負責提供情報既默丹大叔入左黎,趁莉拉唔係到提起返啲往事,主要話10年前都出現過類似事件,帥哥失職,而UB係會比某啲氣息既人吸引住,莉拉係其中一個例子,而主角因為騎封面神去過究極洞穴所以身上都有呢種氣息,容易吸引UB,所以先搵主角黎幫手捉晒佢地,講完之後莉拉返左黎,即時停左呢個話題展開左收服行動。

ub28

雖然咁講,但莉拉都係會頂硬上……劇情就係咁

話說今次又係島上兩個分佈地,我就揀左17號道路,因為近魄鎮,捉既方法照舊,但要捉4隻真係有少少惡頂……唔係難遇,係戰鬥同收服果一步麻煩,不過望返小標題都知,今次呢隻又係有版本之別,煩在要捉成4隻,相信都係預你比朋友都做交換既籌碼架啦,辛苦捉晒就望見家鄉架啦。

**月亮版需要去沙漠或者馬利埃庭園捉2隻

ub19

UB04:劈斬回收,總數四隻(太陽)

UB04:噴射器回收,總數兩隻(月亮)

UB04:噴射器回收,總數兩隻(月亮)


【UB05:大胃王】

辛苦捉晒4隻UB之後,唔洗問又係話有線報,不過莉拉堅持要去,因為話今次真係最後,而且得1隻,點都要親自出動,所以今次就相約係波尼島等,因於波尼島由於無旅館,集合地點變左係餐廳到等。

ub20

太好啦,望見呢句真係連我都輕鬆埋

到左餐廳之後,超高校級的懶散島嶼之王默丹因為上次個話題未傾完既關係再度出現,話莉拉其實已經失憶,只係記得自己叫莉拉,係豐緣地區出生,同埋一直努力守護住某地方既塔(即對戰塔),以及係出色既訓練員(佢係對戰大君),而講完之後,默丹就淡淡地問主角可唔可以同佢打返場,又係全部高lv惡系小精靈,打完之後就已經為左莉拉著想,老點佢去無UB既地方,而默丹今次就負責引隻UB去終結洞穴深處……

ub21

或者莉拉客串都算彩蛋既,但都太慘

ub23

真係最後啦,見家鄉!

穿過波尼礦野再入個花園,行埋上去就去到終結洞穴,不過去到深處就唔會好似XY咁有Z龍既,而洞入面既路都唔會咁複雜,不過建議大家入左洞就save一save,因為一去到深處好似就會即刻遇到,至於最後呢隻大胃王成70lv,所以捉果陣都要小心啲,但係捉晒呢堆UB絕對值,加油啦各位!

ub24

UB05回收,總數一隻


【UB06:幻覺】

千辛萬苦終於捉晒咁多隻UB之後,阿羅拉終於回復和平,最後就返去以太樂園果到搵碧珂回報任務,大家一齊黎個賽後檢討~順便收錢,哈哈!(小標題其實都只係幻覺,應下景)

ub26

終於完啦,滾動過滾動岩

去到以太樂園之後,莉拉身體總算好返啲,而帥哥都終於可以訂餐廳同大家慶祝,而碧珂都完整記錄呢5隻UB既資料,不過帥哥行到無幾遠就返轉頭話親自望到美樂美樂上空有黑色「閃光」出現,背景音樂仲即時轉埋添!而莉拉就話收唔到相關線報,碧珂都話無相關既反應,大概只係帥哥做後援做得多,只係壓力太大出現既幻覺,所以連我都比佢呃左……最後帥哥為左多謝主角,送出100萬作為報酬,無錯係100萬~

**更正,帥哥無呃人!仲有隻黑色!

ub25

其實帥哥一出事口音都會變……出事架嘛!

ub27

大佬,比你嚇一嚇以為真係又有野捉

ub29

雖然錢係多,但都係唔夠用既……

ub30

今次可以話「財色兼收」!(唔知刷唔刷到色違版呢?係既就成立)

經網民Chan Yin提供,話係十克拉山丘外圍遇到帥哥口中既黑色「閃光」奈克洛茲瑪,一遇到果陣開場戰鬥係會無聲,而經埋異次猿實測,大家可以噴黃金噴霧行係十克拉山丘深處草叢慢慢遇,而一直未用既大師球終於有機會用到啦……但隻野成75lv,超能系,要小心應付,當然好似都可以用究極球捉?不過佢就無好似其他UB咁有異獸提升呢個特性,反而係保護性強既稜鏡裝甲,難怪捕捉唔到佢既反應啦~

**補充:其實呢隻唔屬於UB,因此究極球對佢無效

係呢個位遇,而捉完都講句咁既野......

係呢個位遇到,而捉完都講句咁既野……

圖片由網民Chan Yin提供

圖片由網民Chan Yin提供

UB06(?)回收大成功,總數一隻

UB06(?)回收大成功,總數一隻


【Facebook討論區】

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

【主線攻略】

第一章   美樂美樂島】 【第二章   阿卡拉島】 【第三章   以太樂園
【第四章 烏拉烏拉島】 【第五章 以太基金會的黑暗】
【第六章 波尼島】 【最終章 阿羅拉聯盟】

【實用資料】

【圓慶廣場連線全攻略】 【二周目究極異獸流程】

【瑪機雅娜入手方法】 【四島守護神捕獲方法】

【重點冒險心得合集】 【今代實用精靈推薦】

【阿羅拉型態精靈簡介】 【100粒細胞位置全覽】

【全Z結晶入手方法】