【遊猿攻略組】《Pokémon 太陽/月亮》一周目地道爆機指南!(第一回)
November 18, 2016
銀河土拔鼠 (504 articles)
Share

【遊猿攻略組】《Pokémon 太陽/月亮》一周目地道爆機指南!(第一回)

剛才就粗略咁簡單介紹左第七世代有咩特色,依家就係時候入戲肉,地道式劇透一周目爆機指南!無錯,今次呢代可能真係好易玩,不過有啲朋友可能未買或者無機會買,所以呢篇野無論係有玩定無玩都岩睇,始終我覺得呢一代都有唔少值得吐槽既地方……好啦,依家就邊吐邊講故事啦~

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

第一章   美樂美樂島】 【第二章   阿卡拉島】 【第三章   以太樂園】 

【第四章 烏拉烏拉島】 【第五章 以太基金會的黑暗】 【第六章 波尼島】

【最終章 阿羅拉聯盟】


開局注意!
記得拎隻小卡比

故事開始前,提大家要係入遊戲之前拎隻小卡比獸先,揀接收禮物,再透過網路接收就可以,你部3DS連到wifi就拎到,連埋粒專屬Z結晶。

建議玩到入小精靈中心先收隻小卡比獸,反正唔會差得太遠

建議玩到入小精靈中心先收隻小卡比獸,反正唔會差得太遠

pkm72

可以係任何一間小精靈中心搵到NPC收獎勵


【一島 美樂美樂島】

話說一開始主角就同庫庫伊博士玩緊視像,搞埋個樣同個名就搬左黎阿羅拉地區,然後博士就禁門鐘,但當主角想開門比佢既時候佢已經不請自來咁行左入黎,之後就博士叫主角跟住去搵島嶼之王揀小精靈,不過話時話,小精靈唔係一向都係博士準備同保管架咩?一出門口,主角就跟住博士經過1號道路,準備等島嶼之王現身派寵,不過由於島嶼之王遲到,所以博士就叫主角去搵下,結果撞下撞下就見到帶住小星雲既女主角係吊橋前,而小星雲(唔知係咪因為比女主角塞左入袋太耐)搞到抖唔到氣又自己走左出黎,結果比三隻烈雀襲擊……

今次博士唔係做派小精靈果位

今次博士唔係做派小精靈果位

pkm2

難怪你腳軟,因為條吊橋行緊都震一震

呢個時候,當然要交比手無精靈既主角出馬去用血肉之驅黎保護啦,而小星雲突然發動佢既潛力保護返主角,不過都整爛左條橋準備趺落去,千鈞一髮之際,一島既守護神就飛左出黎救左主角,所以無講野淨比左粒輝石主角就閃左人。平安無事之後兩個人就去返條村,呢個時候島嶼之王就霸氣咁登場,講左幾句肺腑之言就比主角揀御三家,其實揀邊隻就睇大家喜好,諗唔到就建議大家揀草主,因為前期會比較順少少。揀完之後,仲要話測試下雙方係咪真互相信任咁先得,不過呢下過場真係有少少呃到我,幾怕隻草主無視我,畢竟莉莉艾同博士個樣好似打定輸數咁款……

但話明係主角就一定有光環啦,唔通隻精靈話唔信任你唔俾你繼續玩主線咩?

pkm3

一開始博士叫主角搵果陣只係提及島嶼之王就係著到好島嶼之王Feel既人……

之後比主角弱既宿敵哈烏正式登場,除左之後劇情睇得出之外,後揀都揀隻比主角剋既就已經輸了……順帶一提,今次5lv就有自己屬性既技能,拿拿林出技教下佢基本既相剋啦~打完哈烏後系統強逼你返屋企訓個靚教就到第二日,又有人禁門鐘,正想去開門之際,博士又聲都唔聲自己入黎,約主角去祭典。去祭典之前,博士仲會親自做教學員教大家點樣捉小精靈,然後送10個精靈球同傷藥比大家慢慢玩。(但我跟碟送果100粒都未用完喎!)

pkm7

博士其實好神出鬼沒

由於主角係未可以去第一間小精靈中心住,所以博士就話需要補血就搵媽媽,而去祭典條路係會有訓練員,今次呢代只要比佢望到就開打,已經省去左行埋黎果一步,其實都合理,反正都係要個位黎戰鬥,戰前仲行埋黎講野真係多此一舉。沿住左邊咁一直行,總算到左祭典,哈烏已經偷偷捉左隻比超等緊主角,所以建議大家路過遇到小精靈照捉,唔岩用都拎去奇蹟交換下,呢個一陣講,因為去呢一步個功能仲未開放。之前執到果粒石已經比島嶼之王整成Z手環!所以係時候參加巡禮收集Z結晶~可能有人會問咁今代係咪無Mega進化,上一代既心血會白費?當然唔係,Mega進化咁深入民心,點可以無?只不過今代興Z招式,所以未爆機之前無得用,爆左機用得返!

pkm11

終於真係有一代係合理咁比左零用錢先出發

哈烏係典祭送完經驗值之後,又過左一日,一起身又有人禁鐘,今次媽媽已經知如果係博士應該會聲都唔聲咁入,但講到咁,禁鐘果個當然只係女主角啦,博士係研究所等緊,所以要女主角帶路咁話。到左研究所,係出面聽到莉莉艾話博士係到同佢岩狗狗玩緊試招,入到去博士就會將圖鑑升級,唔好意思,應該話塞隻洛托姆落去,等佢正式啟用先岩,咁就多左個好緊要既導航功能。聽博士講完廢話之後,哈烏又隨後趕到,今次佢設定應該係比主角慢一步,都好既,證明佢唔係靠爺幹,叻仔黎!

**註:依家係主線正式開始,所以日夜會跟返版本再對應現實,例如月亮版係差12個鐘。同時由呢度開始可以洗Save刷御三家,洗紀錄方法為進入前介面↑+B+X

pkm16

洗御三家既朋友留意,入左中心先開到廣場連線功能

接下來嘅目的地當然就係訓練學校啦!不過放心呢個單純係挑戰既起步點,簡單咁先搵左三個學生(左上角的花園、右上角的姐姐、學校一樓樓梯側的蘿莉)出黎戰鬥先,最後係操場打埋最後一個,挑戰埋老師就正式上路而劇情關係擋路既肯泰羅都會消失。第一個道館場主,丫唔係,隊長先岩,今次呢代無道館,改為做考驗,換個說話講大約變左野生小精靈做場主打你獲勁咁解,不過主角當然唔比收服佢地啦……簡單講解過之後,哈烏帶主角去體驗版出現過既好奧樂市拎呢個搜尋鏡,因為主角個圖鑑有隻洛托姆,所以先用到呢個影相功能。最後影相完畢後,就按照第一位隊長伊利馬既約定黎到去到碼頭與他見面,不過要打走條MK仔骷髏團先~

pkm19

哈烏知道圖鑑有洛托姆既人先可以拎,所以帶主角黎攞

pkm22

其實有時都有少少替骷髏團既人可憐


【考驗一(一般屬性)】

同伊利馬簡單對戰埋之後就正式去8號道路準備考驗。根據版本唔同,打果三隻野都唔同,日版係3隻貓鼬少,月版係3隻小哥達,不過最後一隻一定係玩野等你追一追佢,而果隻野係進化版黎。然後岩岩果兩位唔肯扮小精靈叫聲既手下聲稱因為報仇黎阻住主角考驗,當然打啦,其實佢地兩個比人利用左黎做考驗一部份都唔知……最後來到洞穴的盡頭,就緊係打番呢洞既霸主精靈啦!由於主角面對既敵人係帶有一般屬性既霸主小精靈,打完就可以順利拎到粒Z結晶,跟住伊利馬隊長都會展示一下Z招式既姿勢

***註:順帶一提,完成第一個考驗之後,用黎擋住去路,所謂既隊長門都解除左,因於美樂美練島既隊長挑戰晒,所以之後就係島嶼之王既大考驗!

pkm24

但路途中有隻信使鳥會拉走主角求助,主角唯有做好心幫下個果園大叔。

pkm26

打完佢地就會幫你塞住個小洞口,等你完到考驗

pkm75

每個Z招式都有佢既動作,所以啲隊長通常會教埋你


【大考驗(格鬥屬性)】

pkm77

其實女主角都係一個傳奇,睇落去個故事你就明

完左考驗,博士又九秒九黎通知主角莉莉艾唔見左,當然啦,其實佢又搞到小星雲抖唔到氣亂跑先咁,於是主角因為個身有帶住小精靈既關係,負責係花園帶返帶返隻小星雲返黎。事後,就要準備接受一島既大考驗,就係直接同島嶼之王哈拉黎場對決。係開始之前,博士會好好心提醒你佢係用格鬥屬性既小精靈,叫你準備超能系或者飛行系既招式去應對。不過哈拉會放水只係用三隻同主角打,打完之後會送格鬥Z同教主角個姿勢點做,之後仲會送隻肯泰羅比主角坐騎,不過去第二個島係坐船去既……唔洗咁大陣容。最後就會去主角去碼頭準備上博士隻遊艇準備出發去第二個島,阿卡拉島,之後又係欣賞過場既時候,第一頁完。

pkm78

主角又係快過哈烏做主線

pkm79

其實今次呢位博士真係好得閒咁……

pkm27

完成大考驗主角就會解除35lv以下外來小精靈既使用限制(但都係未用到隻小智版忍蛙)

pkm28

哈烏既幽默感真係100分,不過講啲野有時比較爛~


【隱藏區域 – 十克拉山脈】

如果你有玩體驗版嘅話,就會記得有個阿伯帶你去十克拉山脈做試練。係正式版當然都會有呢個山脈啦,仲係今集博士大推嘅家門系列 – 岩岩狗所在位置。當大家完成大考核後,拎到騎寵肯泰羅後前往博士研究所左邊位置,騎上肯泰羅用衝撞將石頭撞開,就可以進入十克拉山脈捉岩狗狗啦當然入面唔單單係得狗狗啦,仲有腕力呀小鑽岩個啲。係呢個隱藏區域之中,其實仲有隱藏區,不過就要之後拎到推石先可以再番嚟囉!

pkm74

啲石可以依家騎肯泰羅撞碎,進入體驗版入過既十克拉山丘(入口位於博士間屋左邊)


下一章 阿拉卡島篇