【遊猿攻略組】《Pokémon 太陽/月亮》一周目地道爆機指南!(第二回)
November 18, 2016
銀河土拔鼠 (563 articles)
Share

【遊猿攻略組】《Pokémon 太陽/月亮》一周目地道爆機指南!(第二回)

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

第一章   美樂美樂島】 【第二章   阿卡拉島】 【第三章   以太樂園】 

【第四章 烏拉烏拉島】 【第五章 以太基金會的黑暗】 

【第六章 波尼島】 【最終章 阿羅拉聯盟】


【二島 阿卡拉島】

雖然上一頁最底話大家可以入十克拉山丘,但都係唔好回頭住,乖乖地繼續做主線先啦,當主角一到步既時候,博士既老朋友島嶼之王麗姿同隊長瑪奧就會埋黎打個招呼,之後就變係相約係酒店到會合。不過酒店前會有遇到兩位有少少壞人Feel嘅吉娜同德克希歐,如果大家有玩體驗版既話相信對呢兩位都唔陌生,佢地神神秘秘咁係小精靈中心話自己係黎觀光既,依家係正式版終於有戲份,對戰完就會送基格爾德多面體,之後主角同時就會展開收集七龍珠召喚神龍既道路100粒細胞召喚完全體Z龍(基格爾德)先岩

***註:冒險中途見到有啲位綠色閃閃下或者粉紅色閃閃下就埋去收集啦,最少都要收集夠10個細胞先可以係16號道路整隻狗型態黎戰鬥,而粉紅色果啲係核心,收集完可以用黎教Z龍一啲技。

pkm30

其實有少少壞人Feel……

pkm32

大家見到閃閃下既野就執啦,今次唔係mega石黎

講完廢話,行左段路總算黎到好有西部牛仔風格既牧場,呢個時候哈烏都趕上進度黎左,當然又送經驗值比主角啦,隨後就見到飼育屋,不過今次呢代就單純For生蛋而設,但目前未咁快有百變怪捉,先拎左新坐騎長毛狗再上路啦,之後會好有用。然後真正冠有宿敵之稱既少年終於現身!自稱係骷髏隊既保鑣,輕鬆打贏哈烏,所以主角又要幫佢出頭,不過由於可能只係保鑣既關係,所以佢職責唔包搶小精靈啦~戰鬥過後呢位中二病風格既少年-格拉吉歐都走左,主角當然繼續冒險,去繼續巡禮展開考驗啦!

pkm34

唔好以為譯錯,隻野真係呢個名,進化左個名會望落順眼啲

pkm35

手下始終係MK仔,串串供係必然既


【隊長考驗二(水屬性)】

終於黎到第二個考驗,主要係比主角可以一試係水上活動既感覺,搵啲有水花既地方調查就係,最後黎個弱丁魚的逆襲,不過中途水蓮會講下大話認下叻咁,呢一點都算幾好笑。考驗一開始拎完隻背背龍之後,其實同以往一樣同水面講野就可以衝浪,而送背背龍做坐騎既原因,或者係因為屬於早期既衝浪模型,所以有代表性啦。完成考驗之後拎到水Z結晶之後,當然又係向下一個城市進發,辛苦埋下一個位就相信整個冒險可以輕鬆返啲……

pkm36

為左考驗,唔通唔幫咩

pkm38

教動作再送埋魚竿,怕你唔知問邊個NPC先拎到

pkm39

10年前金銀劇情既野講都無人信啦!

下一個目的地「皇家巨蛋」,就可以試下今集先有既皇家對戰(4人對戰)啦!不過骷髏團班MK仔又要搶一搶戲份……而有馬唔騎既哈普烏都首次登場,簡單自我介紹過就去皇家巨蛋試一試新野。總算到左皇家巨蛋,一入黎就見到剛才既中二病宿敵,呢個時候推廣皇家對戰既皇家蒙面人就出現,隨便搵埋企係上面大大聲睇戲既哈烏,一齊黎個四人初體驗,事後就見到火考驗隊長卡奇,證明又係時候準備面對下一個考驗…..

pkm40

由1島比人踢到去2島,升職就真啦

pkm41

皇家蒙面人初登場已經比人覺得似博士


【隊長考驗三(火屬性)】

有時間既可以行一行佢個超市先出發,買野一律半價,準備好晒之後衝上火山就可以進行考驗,主要其實就係玩找不同,好易,試搞笑為主,當然搞笑之餘會有戰鬥啦,照舊,同你果個通常唔係隊長本人。今次既霸主精靈係夜盜火蜥既進化版,屬性係火同毒,順帶一提,呢隻野捉左男仔係進唔到化,要留意返,好似三蜜蜂咁限左性別。完成考驗之後就可以拎到火Z結晶同噴火龍坐騎,不過噴火龍出場戲份好少,就係好似你以往用飛行既畫面差唔多,而且可以指定既飛行落點都比較少,但來往4個島就主要靠晒佢。

pkm43

建議唔洗比太多,畢竟佢都係教你「睡覺」一式

pkm45

真係純搞笑為主

由於已經拎左噴火龍坐騎,原先既路障都消失左,去到第8道路阿克羅瑪就會無啦啦同你吹水,話選單多左個功能可以用,就叫精靈度假地,呢個簡單少少講下,主要係比你放啲糖等時間自然有啲野生小精靈黎到變成你既同伴

pkm46

記住坐騎就真係坐騎,純交通工具黎,唔係戰鬥同伴

pkm47

因為呢個新功能去果陣需要噴火龍帶主角飛去,所以拎左先解鎖……


【隊長考驗四(草屬性)】

話咁快就黎到第四個考驗,今次係要收集料理完成一道黑暗料理黎引隻霸主精靈出黎,而隊長瑪奧正式再度登場,需要主角騎住長毛狗黎搵四樣材料,分別係森林入面四個唔同既小地圖入面。小提示:考驗中行草叢都唔會遇怪,唔洗用噴霧,努力搵就係!完成考驗拎到草Z結晶之後,總算搞掂左阿卡拉島三位隊長既考驗,可以準備接受大考驗,挑戰島嶼之王麗姿!

pkm48

呢4樣野本身係你背包入面都唔會計,一定要現場搵

pkm49

仲要幫佢煮埋飯……不過煮飯果刻有少少邪念Feel

呢個時候風神腿博士又黎到,希望大家去空間研究所參觀下先,之後先穿過地鼠洞穴去下一個鎮搵麗姿進行大考驗。黎到空間研究所,見到芭內特博士,原來呢位係AR掃尋器出現過既女博士係庫庫伊博士既老婆,估唔到咁得閒既博士係人生贏家……好啦,主角們見完面就出發去地鼠洞穴啦!(無錯,係撞名,不過都係地鼠挖既,所以都合理)

pkm51

博士又會提醒島嶼之王既屬性

pkm52

其實……點解佢老婆間研究所好似大過佢自己果間咁,雖然可能係錯覺


【大考驗(岩石屬性)】

一入地鼠洞穴就見到麗姿,相約係下一個鎮既石頭店見,係雷達失效既情況下努力穿過洞穴啦!今次唔洗用到閃光,相信要出去無難度可言。到左石頭店之後,迎接主角既只係一隻大朝北鼻,留左信息叫主角去右邊穿過個墓園去到遺跡門口搵佢,不過中途遇到著白衣既人,仲要有個著到成隻基格爾德細胞咁樣樣,無計啦,反正一撞到MK仔骷髏團要戰鬥既部份總係要留比主角搞架啦!

pkm54

比卡超Z結晶可以城鎮海邊同呢個NPC拎(咦!唔會教埋舞姿架咩?)

pkm55

著白衫好邪教既Feel既人總會再遇

教訓完MK仔總算黎到大考驗既場地,女主角會幫手補血打氣支持,之後劇情就會更加顯得女主角係補血機既特性……總算黎到緊張既時候,大考驗,不過都係用三隻精靈出戰,分別係朝北鼻,鬃岩狼人,地幔岩,不過之後總會再次交手既。打贏之後送岩石Z結晶,同埋當然唔少得教舞姿啦,之後遲到既哈烏負責傳話,話岩岩果位成條蟲既男人係度假地等緊主角,以作報答。

pkm56

其實女主角都好勁,一直靠人Carry咁冒險

pkm58

之後莉莉艾聲稱話想睇哈烏戰鬥,唔跟主角住


下一章 以太樂園篇

Share to Facebook