【遊猿攻略組】《Pokémon 太陽/月亮》一周目地道爆機指南!(第六回)
November 18, 2016 Share

【遊猿攻略組】《Pokémon 太陽/月亮》一周目地道爆機指南!(第六回)

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

第一章   美樂美樂島】 【第二章   阿卡拉島】 【第三章   以太樂園】 

【第四章 烏拉烏拉島】 【第五章 以太基金會的黑暗】 

【第六章 波尼島】 【最終章 阿羅拉聯盟】

【第六章 波尼島】

續上回,講主角一行人到左以太樂園,發現理事長同骷髏隊老大一齊係大家面前消失,於是女主角莉莉艾就換左個新造型,繼續噴住黃金噴霧跟住主角去冒險,為左完成埋最後既考驗,所以就去埋最後未開既波尼島,順帶睇下有咩方便令小星雲恢復元氣同通往究極空間救人咁話。

p46

莉莉艾好感激碧珂所做既一切,而碧珂係忠既,無攻擊過主角一行人

一落船,莉莉艾就諗返碧珂(即係係以太樂園負責送野果位姐姐)係佢父親唔見左既時候,一直都支持住理事長露莎米奈,同埋一直去努力幫手研究UB,詳細二週目會講落去,依家首要任務係搵出島嶼之王進行大考驗,順帶一邊搵最後一個考驗地方,一邊打探傳說小精靈既事,然而呢到就係哈普烏既居住地,所以同主角打個招呼之後就去左島上既遺跡,而哈普烏既婆婆就送埋遊戲入面最後入手既坐騎怪力比主角用。

p47

望落好怪既怪力坐騎,不過佢既作用真係「怪力」


【大考驗(地面屬性)】

經過一段小路程總算跟住哈普烏入遺跡,不過第一次入遺跡解埋機關當然唔係咁快捉守護神啦,而係上一任島嶼之王哈普烏既爺爺離世之外,好幾年都無繼任人,而哈普烏經過巡禮歷練,終於得到守護神既認可,成為島嶼女王!當然打鐵要趁熱,相約主角係大峽谷前展開大考驗激戰。

p48

得到守護既認可,哈普鳥終於成為島嶼女王

p49

話咁快就有機會同哈普烏正式交手

但開始戰鬥之前,當然做一做正經事救世界要求,資深訓練家話椰樹獸島有一枝笛,係同主角手持果支相反,只要有齊呢兩枝笛再係祭壇上兩個人一人一邊演奏,或者可以喚醒傳說既小精靈,並且係兩個世界中來往自如,所以主角就先去同莉莉艾一齊攞埋另一枝笛先開始島嶼女王既大考驗。

p50

由於格拉吉歐只係比左一枝笛,另一枝要去椰樹獸島拎埋

不過正當主角做完正經事返去挑戰哈普烏之際,六個骷髏隊手下一齊係大峽谷前等緊主角,並且認為老大消失係因為主角一行人既錯,當戰勝完六個人份量既小精靈之後,布爾美麗今次出現就叫佢地停手,仲同主角道歉,再解釋古茲馬努力為理事長做事係因為佢係唯一承認佢強大既人,無論如何都希望主角可以救返瑪茲古,最後送左粒毒Z結晶比主角就走左,舞姿都無恥力去教主角。

p51

布爾美麗為骷髏隊之前做既事而道歉

p52

最後將毒Z結晶作歉意同希望寄託左比主角

終於認真黎到大考驗環節,哈普烏有4隻47lv既地屬性小精靈,贏左佢之後得到地Z結晶,不過當然未完,因為仲有大峽谷最後仲有個最終考驗等住主角,所以拎完地Z結晶學完舞姿之後就極速上路,但強大既野係莉莉艾會一直企係洞口幫主角既小精靈補血,直到主角行到大峽谷一定部份先會轉地方企……然而女主角真係零戰鬥力,不過做補師真係無人夠佢勁。

p53

真係望見都覺得佢地好有恥力


【最後考驗(龍屬性)】

穿過大峽谷,係入面用怪力推下石,甚至換埋隻馬過爛地,得閒再搵罰企直到你有出到去為止既莉莉艾幫手無限補血,總算係穿過左大峽谷,而中間既吊橋部份都令莉莉艾成功挑戰自己,不過以無小精靈係身既佢黎講,噴左咁多噴霧行到呢一步已經勇氣可嘉……仲要帶海量既復活用品黎幫主角補血,真係無得頂,而差唔多行到尾既時候,最後一位隊長茉莉就會出現直接送粒妖精Z比主角,但佢只係流浪居多,所以根本連挑戰考驗都無諗過,點都好,到左盡頭打低左唔少訓練員,都係時候準備入去最後考驗。

p54

莉莉艾真係最強既移動補血機……

p55

雖然佢只係路過,但總會有機會同佢交手

好啦,黎到最後一個挑戰,龍屬性考驗,係無隊長負責講解下甚至係出題既,係由大家體驗版就已經見到既野生鱗甲龍挑戰大家,雖然無人見到,但同樣考驗期間都係唔比捉佢地,不過相對都岩既,最後隻霸王杖尾鱗甲龍就會真正挑戰大家,茉莉既出現都安排得合理,證明一個係有隊長無考驗,另一個係無隊長,但由霸主精靈測試你夠唔夠資料拎走粒龍Z結晶,最後當然可以拎得走啦,舞姿既野我懷疑主角天生就識晒,有啲明明無教都用到,而且佢又可以記得晒……攞完粒龍Z結晶之後就繼續向前,進入日/月輪祭壇(跟返你買既版本影響個名)

p56

雖然無隊長,但都係得到霸主精靈既認可

p57

總算完成左巡禮

最後,主角同莉莉艾行左勁多級樓梯上左祭壇頂,就係時候一人企一邊開始吹笛,吹完笛之後,原本無晒元會既小星雲就變成索爾迦雷歐/露奈雅拉(睇你咩版本),正式復活之餘,都係時候準備去究極洞穴搵露莎米奈同埋瑪茲古……

p58

原本要人保護既小星雲終於正式強大起黎


下一章 阿羅拉聯盟篇