【遊猿攻略組】《Pokémon 太陽/月亮》一周目地道爆機指南!(第五回)
November 18, 2016 Share

【遊猿攻略組】《Pokémon 太陽/月亮》一周目地道爆機指南!(第五回)

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

第一章   美樂美樂島】 【第二章   阿卡拉島】 【第三章   以太樂園】 

【第四章 烏拉烏拉島】 【第五章 以太基金會的黑暗】 

【第六章 波尼島】 【最終章 阿羅拉聯盟】


【第五章 以太基金會的黑暗】

坐印有住格拉吉歐果架印有骷髏隊圖案既私人快艇到左以太樂園之後,發現氣氛變得好怪,於是決定用電梯直接搵莉莉艾救佢出黎,不過要指定既人先可以去到研究室果層,於是先上樓遇上好似細胞既分部長扎奧博,廢話少講,直接同呢班邪教人員開戰,打完就可以得到操作權去研究室果陣慢慢調查,查資料發現小星雲有通往究極空間既能力!但隨後都發現比扎奧博呃左而拖延時間,於是加快返腳步前進。

p33

講到咁,果然做緊啲唔見得光既事!

p34

從得知隻屬性:空係比人製造出黎……

扎奧博果然扮晒野!一早有計劃拖時間老點主角一行人,首先一係電梯上到去就比以太基金會既成員圍攻,之後再一次同扎奧博開戰,不過比哈烏踢爆點解唔一早收好條鎖匙,然後就話自己好憎同細路仔交流,但都係要死死氣交出條鎖匙比主角開門去勇往直前迎救莉莉艾。

p35

果然雪白既背後係有咁大既黑暗面,都估到係邪教

經過連番追逐,總算就黎去到最深處救莉莉艾,不過眼前仲有骷髏隊既人要打,但主角有光環,再打多兩個之後果一位手下知道自己輸硬,索性唔挑主角機,直接搵大佬古茲馬應戰,而古茲馬都講出左格拉吉歐其實係離家出走,而佢亦都係理事長露莎米奈既仔,所以外貌先咁相似……不過講完真相都係要同大佬打返場,打完就再同露莎米奈以敵人既身份重遇。

p36

原來骷髏隊係比以太基金會請黎做野,即係一直都係大龍鳳!

p37

而作為骷髏隊保鑣既格拉吉歐其實理事長個仔!

一開始莉莉艾偷走小星雲其實就係唔想佢媽媽露莎米奈做壞事,打開究極洞穴破壞世界,不過可惜太遲,而係當時場面異常混亂之下,格拉吉歐冷靜作出指揮,分別係命令哈烏擂住追兵,自己就應付老大,而主角當然同邪惡人妻黎返場大戰,五隻都係41lv,自己執生啦……但就算贏左都好,同樣阻住唔到露莎米奈利用小星雲既力量開啟究極洞穴令究極異獸(即UB)四散係阿卡羅地區,自己同古茲馬都消失左,去左究極空間,事件暫告一段落。

p38

莉莉艾再一次攞出反坑既勇氣!

p39

即時反面,不過特徵太似,無得唔認

p41

不過轉過頭已經自相矛盾返

p42

走火入魔,已經太遲,究極洞穴已經開啟左

p43

究極異獸突襲阿卡羅各個小島

經歷完呢件大事之後,雖然莉莉艾無事,不過佢點都要救返自己媽媽,所以換一換個新形象同主角再次繼續上路,而作為哥哥既格拉吉歐都搵緊方法幫主角去究極空間,所以一邊搵方法既同時都一邊繼續完成巡禮,畢竟七個考驗仲差最後一個先算完成,因此準備好之後就係碼頭準備去最後一個島-波尼島,完成埋最後既冒險同搵出去究極空間既方法!

p44

換個新形象再開始新既冒險

p45

驚大家唔知大師球係邊執,直接比埋


下一章:波尼島篇