【遊猿攻略組】《Pokémon 太陽/月亮》一周目地道爆機指南!(第四回)
November 18, 2016 Share

【遊猿攻略組】《Pokémon 太陽/月亮》一周目地道爆機指南!(第四回)

小小討論區一個,歡迎各位訓練員入黎吹水發問:

https://www.facebook.com/groups/PokemonSunAndMoonHK/

第一章   美樂美樂島】 【第二章   阿卡拉島】 【第三章   以太樂園】 

【第四章 烏拉烏拉島】 【第五章 以太基金會的黑暗】 

【第六章 波尼島】 【最終章 阿羅拉聯盟】


【第四章 烏拉烏拉島】

上回就講到參觀完以太基金會既基地先繼續展開考驗,如今主角同哈烏終於正式到達烏拉烏拉島,不過一到步落船哈烏又想黎返場熱血既戰鬥,算啦,由佢送經驗值,正常唔玩野送走自己隻御三家都有隻剋硬佢,友誼賽完畢之後就跟返之前同博士既約定去馬利埃庭園搵佢,聽下一個考驗既相關指引,不過由於庭園太大,哈烏決定同主角分頭搵,最後當然係封左某啲去路,大約係地圖右上角搵到神速到步既博士啦!

p2

其實我地有坐騎,點解仲要坐巴士呢?因為唔坐應該就觸發唔到劇情…….

不過博士永遠是對的,佢叫得主角坐巴士肯定有原因,一離開庭園又見返女主角莉莉艾,除此之外,仲見到阿羅拉地區版既大木博士,正確黎講係佢表兄弟,又名成也‧大木,敗也都東尼大木。隨後建議主角去圖書館睇下有關傳說小精靈既資料,去到圖書館上2樓就發現萌萌既幽靈系蘿莉訓練家阿塞蘿拉,即刻好好人咁借本書比女主角一齊睇,相信日後總會有一日會交手!

p4

呢位大木提及既係希特隆,但真係估唔到洛托姆咁遠水路黎到

p6

擅長用幽靈系小精靈既蘿莉阿塞蘿拉


【隊長考驗五(雷屬性)】

陪女主角睇完書了解歷史之後,係時候都為自己打算返,真係要聽博士的話走去10號道館盡頭既巴士站等巴士,不過博士真係神經妙算,好似知道骷髏隊又會搞事一樣!竟然連巴士站牌都偷!!!作為主角一定要伸張正義,所以極速收捨佢地就坐巴士上天文台啦~上到天文台之後,離考驗開始之前,博士講出唔少感人既肺腑之言,感人到我笑到標眼淚,當然有節錄返比大家望望。

博士同主角望緊對面山,所以有所感言......

博士同主角望緊對面山,所以有所感言……

呃,其實你根本想自己做埋一份咋掛......

呃,其實你根本想自己做埋一份咋掛……

講完感性說話之後真係要認真去返考驗,今次係雷屬性,所以行去天文台準備搵今次既負責隊長,不過點知原來又係博士既老朋友黎,仲一黎就踢爆左博士既真正身份其實就係皇家蒙面人!但博士堅決迴避否認,仲想扮無事發生一樣,只係想主角拿拿林完成考驗繼續冒險,仲要還拖踢爆返人地已經唔再係隊長,馬睿因為左緩和氣氛,即時以測試主角實力為由提出戰鬥!贏左佢之後就單獨入去搵真正既隊長去完成考驗。(題外話,天文台山路草叢有百變怪)

p11

一見到博士就即刻踢爆

p12

博士迴避問題,所以兜個圈串返佢位老朋友

p13

咁人地都識還擊既……

入到天文台之後,發現一位唔知係咪年齡仲細過自己既隊長,但點都好,當初你想入廣場連線之前都要過呢位肥仔既一關,依家佢都希望以一個簡單既方法幫主角完成考驗,就係用部機直接召喚隻霸主精靈比主角挑戰,但又邊會咁簡單,所以一啟動機器之際就即時眼前一黑,不過主角唔係比人送返小精靈中心,停電姐,所以考驗內容變左玩估聲音遊戲,呢到直接比埋答案,主要係因為可能有啲人睇緊呢篇野果陣係熜左聲玩……記得答完問題係要戰鬥,最後打埋隻霸主就拎電Z結晶,而馬睿因會送鋼Z結晶。

A1.寶可夢中心;A2.洛托姆圖鑑;A3.電蟲寶;A4.霸主寶可夢

p14

如果真係咁簡單就好啦

p16

展示完電Z招式舞蹈突然怕羞

p17

老馬話博士漏左個面罩……身份敗露啦。


【隊長考驗六(幽靈屬性)】

完成考驗之後返去馬利埃庭園搵博士,但見到博士同骷髏團大佬古茲馬對峙緊,呢個時候又要主角出手啦,打發左佢之後博士會送一粒主角選擇既御三家專用Z結晶,係對應返進化最終型態所學招先出到,希望大家無洗到啦。繼續準備去下一個考驗既村落卡噗村,途中去到12號道館發現肯泰羅都難過既山路地形!呢個時候哈普烏路過就登陸左佢隻愛馬比主角騎,仲話第一次見就應該要咁做,但無左回事咁話。

p18

古茲馬其實好憎做諸島巡禮既人,之後故事會提

p19

仲扮野,人少少咪認左佢囉博士……

就黎去到卡噗村果陣總算見返兩位同伴哈烏同埋格拉吉歐,不過格拉吉歐就鄭重提醒主角要好好保護小星雲,到左卡噗村之後,就會發現中間條路施緊工,話準備起聯盟,睇黎博士係真漢子,講得出就會找數!先唔理個聯盟住,繼續向前行就會去到以太之家,同阿塞蘿拉再次相遇,佢都表明自己係隊長之一,事不宜遲緊係去下行去廢棄超市參加考驗啦~(哈烏就留低兩個小朋友玩)

p23

最初一曝光就有唔少人氣既謎擬Q終於見到,可惜唔比捉住

話說今次個幽靈考驗就係要大家搵啲幽靈出黎然後用特別為今次考驗而改良既相機影低佢地,影完+打完三隻鬼之後,好似比卡超既霸主謎擬Q就會帶主角入左間房開始戰鬥,打完就可以拎到粒幽靈Z結晶,不過得人驚既係阿塞蘿拉否認廢棄超市深處有間密室,而回程特效仲會隱約望到謎擬Q係後面路過……不過算啦,恐怖位唔再講,只能說可以返去間廢棄超市睇下遇唔遇到佢。


【大考驗(惡屬性)】

回程返去以太之家發現骷髏隊一行人,於是主角又要出動,擊退大家姐布爾美麗之外,阿塞蘿拉妹妹果隻貓鼬少比骷髏隊既人捉走左,而骷髏隊要求主角單刀赴會,所以主角就踏上呢個尋貓之旅,準備殺入邪惡集團既大本營,不過主角得隻背背龍根本唔可以撞碎水中既岩石,所以阿塞蘿拉就提議主角去搵係海邊身穿和服既人,而呢個人正正就係合眾地區既惡系天王-越橘,想拎新坐騎就唔係同佢打,而係同佢賭,畢竟佢出名就係賭,當然啦,佢係出術既,所以要估咩相信大家都知,估岩之後就換新坐騎巨牙鲨出發啦!

p24

越橋客串一番,答案係咩?當然唔係睇運氣果個啦!

行左唔少路總算黎到陰陰沉沉既骷髏隊大本營魄鎮,主角想入城門之際發現有困難,不過當時就有位比較大眾臉少少既平凡大叔過左黎幫主角開門,然後就交返個場比主角,主要就係小鎮入面左穿右插,以盡頭間大屋深處為目標!

p25

黎到魄鎮之後要係左邊呢條小路穿入去

p26

魄鎮連小精靈中心都失守,又無電,補血都要收10蚊

上到二樓發現要講暗號先可以見大佬,雖然可以係間屋自己搵,不過做得劇透攻略都講埋比大家知,講完晒暗號就真係時候搵大佬,從某名手下得知古茲瑪收收埋埋好多蟲Z結晶,但好鍾意蟲都無用,搶人野就係唔岩,一定要打!所以打完佢之後貓鼬少就重獲自由,而右邊地下既一大堆蟲Z結晶記得執……

暗號:1.圍攻;2.具甲武者;3.向尾喵可可;4.NO!

p28

呢條問題都係暗號一部份,記得揀「NO!」

p29

成箱蟲Z結晶,拎一粒都唔係好過份姐,反正佢都係搶返黎

最後貓鼬少就去左阿塞蘿拉到,而果位穿得咁潮既默丹大叔其實係一名警察!不過好多野我地都估唔到既,當返到去以太之家果陣,得知莉莉艾連埋小星雲已經比人捉走左,之後宿敵格拉吉歐衝左入黎,一知道莉莉艾唔見左仲緊張過主角即刻暴走搵主角開戰,真係可怕……比主角打贏之後似乎冷靜返,識得準備一隻船去迎救莉莉艾!但係開船之前,大眾臉感覺既默丹表明自己就係島嶼之王,出發之前當然要黎返場即興既大考驗先啦~贏左送惡Z結晶同埋教舞姿。(唔同睇佢咁既樣,真係做埋出黎教主角)

p30

講都好難相信,咁都係警察

p32

人不可貌相,但默丹事實係烏拉烏拉島既島嶼之王


下一章:以太基金會的黑暗篇

Share to Facebook