無得玩?唔緊要!《寵物小精靈 太陽/月亮 特別體驗版》完全劇透
November 2, 2016 Share

無得玩?唔緊要!《寵物小精靈 太陽/月亮 特別體驗版》完全劇透

Eshop下載連結

eShop下載QR Code

《寵物小精靈 太陽/月亮 特別體驗版》上架左一段時間,唔知各位訓練員下載黎完成考驗未呢?未入手既朋友依家就一齊睇下呢隻《寵物小精靈 太陽/月亮 特別體驗版》既劇情到底有幾豐富啦!

【以下為特別體驗版流程,劇透注意:】

pm29

骷髏隊既MK仔講野會有特寫同肢體動作(但都係比人秒架啦)(Via:https://goo.gl/ANzA1W)

首先大家揀好語言之後,一定係會以男主角「SUN」既身份黎到阿羅拉,隨後就會收到動畫主角小智寄既信,然後得到智爺親自託付既甲賀忍蛙,至於代代都出現既媽媽又係一開始就會見到。

故事講主角初黎報到同媽媽去到個市政廳辦緊手續,然後當地人哈烏就做主角第一個朋友,仲話做導遊帶佢行個大運,告別媽媽展開冒險一出門口隨即遇到衣著十分MK既反派骷髏隊成員,然後主角就派出唯一既小精靈-甲賀忍蛙作戰。

每當行近要開戰既訓練員,視覺都會緊縮一下提醒

每當行近要開戰既訓練員,視覺上都會緊縮一下提醒(Via:https://goo.gl/ANzA1W)

當戰鬥完再入小精靈中心補個靚血之後,庫庫伊博士就希望主角去十克拉山丘接受考驗!之後行到小精靈中心附近有個大叔會大家上十克拉山丘,隨後經過山丘既草叢同果位路人訓練員既戰鬥洗禮(建議唔好避,反正之後又係要你打)搵到山洞準備接受考驗~

影相功能介面,影完隻小精靈就會衝過黎進入戰鬥

影相功能介面,影完隻小精靈就會衝過黎進入戰鬥

入到山洞見博士之後,博士就會送多功能洛托姆比主角同將自己隻比卡超借出,希望主角可以順利搵出4隻心鱗寶同鱗甲龍黎影相,最後出山洞打埋霸主鱗甲龍完成試煉收到Z手環同電Z結晶。

留意隻霸主

留意隻霸主鱗甲龍會吹雞!呢樣野都係今代新增~(Via:https://goo.gl/ANzA1W)

跟住豬隊友哈烏就好好氣咁穿過山洞跑左出黎,因為骷髏隊既大姐黎左尋仇,於是推左主角上前出黎解圍……(咩你自己無精靈咩,雙打都好丫)

pkm2

主角未來應該要帶兩隻手環

而係呢場戰鬥當中,比卡超自動做左首位,希望主角可以體驗一下用Z招式既感覺,最後好輕鬆又擊退左骷髏隊既人,跟住就係自由活動時間,都意味真正既冒險準備開始,而大家都可以搵博士傳送拎到既某啲物品去正式版

pkm3

睇完Z絕招之後呢隻比卡超就要還返比博士