【遊猿隨筆】回望20年間轉變!異次猿的《寵物小精靈》心路歷程(有洋蔥?)
November 2, 2016 Share

【遊猿隨筆】回望20年間轉變!異次猿的《寵物小精靈》心路歷程(有洋蔥?)

為左唔想文不對題搞到好似呃大家入黎,所以除左寫下體驗版既介紹文之外,依家又整多一篇發自內心既感想文,希望會引起各位訓練員既共嗚,一齊係第七世代相約去冒險,最後賣下廣告先,無聊開左個交流群,晒寵吹水無任歡迎!

有興趣既朋友不妨入黎:https://www.facebook.com/groups/PokemonSunAndMoonHK/

依家應該有電都開唔返部機黎玩

依家應該有電都開唔返部GBA黎玩= =

【動畫無印篇與銀版展開的冒險之旅】

最初接觸既《寵物小精靈》遊戲系統就係GB(即Game Boy)既銀版,果陣大約係03年,正路應該開始無咁再流行GB,而呢隻銀版入手既原因係一個哥哥唔玩而送比我,當時咁岩電視又做無印篇,主題曲就係陳浩民果陣首:「活在球內盡是生命……」,而買機送果隻《孖寶兄弟》我又咁岩玩到悶,所以就比封面既利基亞吸引去玩下。

第二世代有上色,去到水晶仲有少少動作,幾鮮明

第二世代有上色,去到水晶仲有少少動作(專登抽日本大神既打Red既紀錄做附圖,按圖有片)

不過慶幸自己係由第二世代玩起,因為第一世代對當時既我黎講真係難玩好多,至於點解跳左第一世代無玩,其實係因為果餅老翻中文黃版玩玩下會死機,同埋講到係老翻中文版,即係都係好難睇得明,與其比佢影響我中文水平倒不如玩返有色彩既銀版好過~(至於3ds重製既黃版就有買返黎回味下)

啟暴龍比人叫肥大既原因

啟暴龍比人叫肥大既原因

但我果陣真係好細個,大約得7歲,一粒日文都未識睇,果陣仲要一隻漢字都無全平假名,100%靠自己撞同死記某啲位,而當時玩揀既第一隻御三家就係火球鼠,當時就算有睇電視都未必講得出隻小精靈叫乜名,有返老翻中文版就大約係記左果啲錯誤既譯名,即係啟暴龍叫肥大果堆。

外國網民作品,成條片禁圖可以睇到

外國網民作品,成條片禁圖可以睇到

最深刻難過應該都係黃金市隻大奶罐,一個滾動車埋黎剋到我隻火岩鼠正一正真係勁痛,仲要性別關係比佢屈埋迷惑,果陣真係卡左好耐,最後大概都係屈精靈等級過。到打到冠軍Cheat渡果陣都係因為等級同技術問題,差啲就輸比佢隻老噴,不過好似食藥補住打都飲到殿堂,成功爆機玩埋關都地區既劇情,但Red我就無上到白銀山挑戰啦,可以話係因為唔知有呢個劇情已造成既一個小遺憾

捉夢夢其實係靠Bug......

想遇夢夢其實係靠Bug……


【告別利基亞,轉戰GBA烈空座】

一開始既回憶其實都有唔少,好似招死人秘傳機攀瀑咁,係要入個冰洞自己撞自己執,對當時唔識睇日文又腦殘既我黎講,真係卡左好耐關,好彩當時同其他小朋友玩既版本唔同,如果唔係我應該又誤信埋其他圈子口中既咩上太空捉夢夢既說話而白搞一大輪,不過後尾到04年果陣我真係認真轉返GBA帶黎玩就少左呢啲卡關位同亂信人既部份

講到上太空,真係要拎ORAS既Delta章最後黎做個附圖

講到上太空,真係要拎一拎ORAS既Delta章最後黎做個附圖

但係GBA帶其實都有伏位,第一隻入手既係老翻中文版藍寶石,不過呢隻老翻佢譯出黎既野就無GB既老翻中文版錯得咁緊要,起碼有好多句子都睇得明同通順,同埋去到第三世代禁住B制終於可以跑步!唯獨係佢一入殿堂就死save呢一點令我後尾玩日版火紅同綠寶石都有少少怕。

講起老翻藍寶石,翻譯大約係咁,無咁亂但都係差,烈空座叫木木獸......

講起老翻藍寶石,翻譯大約係咁,烈空座叫木木獸……

至於一提到綠寶石版就諗起捉烈空座既慘事,要上佢個天空之柱唔似重製既紅藍寶石咁簡單,而係要你用極速單車衝啲下陷地板黎上每一層,對於手殘既我黎講同樣又係一個難免經歷,不過就無打大奶罐卡咁耐關,最起碼果陣我都係衰在操作技術問題之上。

pkm32

呢個地方應該都算係唔少人既「童年陰影」


【偷偷完成冒險既NDS珍珠版與模擬器魂銀】

而GBA既時代總會完結,即係要轉NDS玩珍珠同鑽石版先可以繼續,以前又唔識出動模擬器,重點部NDS因為我家姐有,而本身同佢關係唔好,所以只能夠偷玩,仲要唔係日文版,搞到珍珠版勉強打埋第八道館就停左,NDS既世代就咁斷左無追落去,到依家因為工作關係所以先可以入手3DS繼續做訓練員重新展開冒險……

第四世代最深刻主要就係秘傳技攀岩

第四世代最深刻主要就係秘傳技攀岩,之後果代真係無玩,唔補圖啦

中間斷NDS既世代其實都幾陰功,因為小弟其實都鍾意《洛克人》,有GBA果陣就追齊晒《洛克人EXE》系列,所以NDS果陣一隻《流星洛克人》都無得玩,當然仲有唔少想玩既遊戲都無得玩,同時都好後悔係09年果陣揀左PSP黎買,除左手頭上既GAME得《GTA》同《火影》玩之外,重點係舊電都發埋漲,如果忍多忍買PSV相信我唔會浪費屋企人錢……依家舊電發左漲,充電器又唔知去左邊,無聊想拎黎玩兩野都唔可以,變左裝飾。

條屍仲係到,不過只要有舊電應該仲玩到,希望啲碟無事

希望啲碟無事,搵日拎返個充電器試下開機先

到13年果陣,經中學朋友熱心分享,拎左個NDS模擬器連魂銀版既檔案,總算叫可以懷舊一下,果陣仲無聊試埋佢內置既錄片功能,所以好肯定係13年,不過由於係電腦玩模擬器真係無實機咁順,所以打完第一個道館已經停左手,連黑白版都無再去追返……

用模擬器玩果陣錄落既片,我又揀返火球鼠起家

用模擬器玩果陣錄落既片,我又揀返火球鼠起家


【投身社會與《Pokemon GO》結緣】

而到左15年,果陣因為工作關係,特別留意到Niantic將會推出《Pokemon GO》真係好興奮,因為感覺就好似真係做正訓練員一樣可以出街捉小精靈,對活潑好動又好少落街既我可以話係除左買外賣之外多左一個落街散步做運動既理由!

更新左終於唔係暴鯉龍,係耿鬼!

更新左終於唔係暴鯉龍,係耿鬼!

唔強陣清位真係玩唔到黎影相

唔強制清位真係玩唔到黎影相

於是到佢係16年真係正式上架果陣我已經日日落街,不過講到話要捉晒目前初代果151隻小精靈我都只係岩岩過100,畢竟我個人本身就比較體弱多病,同埋係打機都懶既人黎……但我果排都好認真拎左本圖鑑出黎望望黎回味下~

作為一個訓練員,有本圖鑑係身係好合理既(雖然舊左啲)

作為一個訓練員,有本圖鑑係身係好合理既(雖然舊左啲)

點都好,如果唔係手機成日無位的話,我心入面團火應該唔會減退得幾多,至少我因為《Pokemon GO》而剷左《PAD》。正確黎講只係將《PAD》搬左落iPad,即係出街玩既得《白貓》同《Pokemon GO》,因為我手機真係勁少位,我果一堆海量既Apps Game係分散去我部Tab同iPad到,呢個故事都係教訓大家熱愛手遊既話記得買果陣同佢講要最大GB數

第一世代主角連跑都唔識,要拎單車真係要開背包

初代其實好多麻煩野,例如用單車真係要開背包,背包裝既野仲要有上限


【相隔兩個世代與X版及紅寶石重遇】

後尾管理猿知我相當鍾意《遊戲王》,所以就借左部3DS比我娛樂下(即係最強卡片決鬥),而佢部3DS本身就買左隻X版,於是又燃起我心中訓練員團火多手幫佢爆埋機,由於隔左成兩代,再加上佢已經有一定既遊戲進度,初時開佢記錄黎玩真係唔太慣,有啲地方都要慢慢熟習返,不過以前都玩開所以唔算有大問題,之後仲衰到有一日拎隻夢夢換左自己鍾意既達克萊伊返黎添~(**註:隻夢夢係之後買重製黃版而送)

換返黎果陣真係錄埋片

換返黎果陣真係錄埋片,相信換比我果位都唔知夢夢量產

近排係《太陽/月亮體驗版》咁吸引之下,終於自己入手埋3DS,仲買左隻紅寶石重製版,一追番真係好開心,第三世代熟悉既主線劇情無咩點變,所以一入手即刻用左大約半日時間黎爆機,同網上既Speed Run對比我真係算慢,畢竟我有啲時間去左慢慢捉精靈,所以先用半日時間入殿堂爆機。(未計2週目)

第六世代有埋群聚對戰,三打等等,不過我更期待新一代既四人互片模式

第六世代有埋群聚對戰,三打等等,不過我更期待新一代既四人互片模式

而依家唔洗面對面都可以比朋友Carry,所以開局無耐已經有隻同樣都幾鍾意既耿鬼黎起家(我比較鍾意鬼系同惡系),玩完兩隻第六世代既遊戲感覺真係進步左唔少,好多位同以前比都有好多改善,簡單舉個例,單係飛行已經可以就咁揀街道,真係慳返唔少時間


呢個就係我每次買《快樂龍》既原因

呢個就係我每次買《快樂龍》既原因

【回憶小插曲及對未來太陽‧月亮的展望】

所以我對《寵物小精靈》既熱情真係唔止得隻《Pokemon GO》咁簡單,而套小智衫都唔係因為《Pokemon GO》出先買返黎,係同一部份訓練員既童年一樣,係有睇有玩,係一個情意結!而且以前玩寶石版既時候仲自己買左本《全角色大事典》,所以我對前386隻小精靈印象都好深下,順帶一提,以前定期買本《快樂龍》返屋企都係為左睇個特別篇漫畫咋……(咁上面提到我都鍾意《洛克人》,當然都係因為有連載埋先買啦~)

咁岩影果期仲有連載電影版

咁岩拎出黎影果期仲有連載電影版

老實講,其實玩完個《太陽/月亮體驗版》之後,我對呢代真係有唔少期望,首先第一樣野就係正式既繁中版,雖然譯名上大家唔係太滿意,不過起碼今次大家都容易睇得明個劇情同意思,相信童年有遺憾既朋友今次都可以試下,其次佢系統介面上都做得靈活左,對比上一代,同你對戰既訓練員都只係硬生生既2D圖樣,今次終於正式3D埋,即係佢一輸左真係會表現到自己會唔開心咁,無咁死板,連個視角都靈活左唔少,至少唔至係經常性標準式俯視先啦!

呢代好似好多野都唔同左

呢代好似好多野都唔同左

最後多謝無聊睇晒既咁多位朋友~始終都係小弟第一次打感想,真係心入面有果句講果句……再提提大家,3DS既初代重製版可以將小精靈過去太陽同月亮,所以想懷舊既朋友可以放心玩,重點係買完會送夢夢既序號!再提醒,要X‧Y或ORAS版先用到架~

最後估唔到咁就20週年啦,同我同年......(自爆年齡系列)

最後估唔到咁就20週年啦,同我一樣……(自爆年齡系列)

Share to Facebook