體驗版有咩咁特別?《寵物小精靈 太陽/月亮 特別體驗版》新舊版本大對比
November 2, 2016 Share

體驗版有咩咁特別?《寵物小精靈 太陽/月亮 特別體驗版》新舊版本大對比

Eshop下載連結

eShop下載QR Code

《寵物小精靈 太陽/月亮 特別體驗版》上架左都好一段時間,今次異次猿就上水同大家介紹下呢個體驗版到底有乜可以玩,而且同對上第六世代既X‧Y及始源紅藍寶石(下稱ORAS)比較到底有咩分別,開場白廢話就唔講太多,依家就一齊睇下呢隻《寵物小精靈 太陽/月亮 特別體驗版》到底咩料啦!(由於直接用手機影,所以質素可能差少少,希望多多包容下)

【體驗版入面可以做乜同有咩著數?】

  • 1.比你拎走小智隻甲賀忍蛙!
  • 2.完成特定NPC劇情拎道具
  • 3.嘗試新系統,例如Z招式等等
  • 4.睇下佢翻譯有無譯到古古怪怪

1.記得要拎智爺隻外掛忍蛙!

ash_greninja

呢隻甲賀忍蛙真係萬中無一,因為只有體驗版既呢隻甲賀忍蛙先識好似動畫咁變身!

入小精靈中心搵永久罰企既庫庫伊博士就可以拎返啲野

最緊要記得係之後小精靈中心搵返庫庫伊博士就可以係正式版拎返啲野連埋隻外掛蛙!


2.搵特定NPC完成劇情拎道具!

好奧樂市有唔同既NPC,而完成劇情有機會拎定道具係正式版到用!順帶一提,體驗版無得自己手動Save,不過每次開game就會自動Save,而每完成一項NPC劇情都會自動Save

不過講真,目前發現佢送既野除左隻甲賀忍蛙之外,其他去到正式版都係比大家賣錢用,或者佢係想你買多幾個精靈同傷藥方便冒險啦~(認真都好過官方送100個精靈球既……)

首先就係小精靈中心隔離位NPC,會送10個美麗之羽比你傳送

首先就係小精靈中心隔離位NPC,會送10個美麗之羽比你可以傳送去正式版

呢個NPC等完5日之後都唔會送野比你,屬劇情

呢個NPC等完5日之後都唔會送野比你,純劇情既例子

pkm11

呢個12日既仲等緊,留比大家到時到候去睇睇

pkm12

18日之後呢到有大茶飯,估計要黎場正邪大戰

pkm4

呢個NPC希望24日後主角同佢送行,應該有紀念品送返比我地既

pkm9

地點再轉返去十克拉山丘,呢個NPC有得比你過下手癮捉小精靈

pkm8

完成埋呢個NPC既條件都會有野送!

同街尾呢位姐姐講野又可以去拎野

同後街尾呢位姐姐講野就可以去認真體會隻肯泰羅既能力

博士會送隻肯泰羅比大家當單車咁騎,禁Y召喚佢出黎騎住禁B撞石就可以

呢隻肯泰羅禁Y召喚佢出黎騎住再禁B撞石就可以

pkm14

最後就會有個NPC,第一次會送野,但之後佢都會叫你唔好再黎……


3.一嘗遊戲新系統!

講到Z招式,真係要召喚返酒樓菜式出黎

講到新野Z招式,真係要召喚返酒樓菜式「九彩昇華齊聚頂」出黎做下附圖

講到試呢代既新系統,除左有野比大家騎到夠之外,最重要既新元素Z招式大家都可以係體驗版體會到,不過我就唔再劇透太多,因為單係主線就有兩野新野比大家試,想睇流程唔怕劇透既朋友就禁黎呢到啦~


【第七世代同以往有咩唔同?】

  • 1.騎寵去冒險
  • 2.時間性劇情
  • 3.告別單調俯瞰視角
  • 4.戰鬥畫面更用心

1.騎住小精靈冒險突顯主角風範

相信第七世代就會由騎水都變左騎老噴黎飛

相信第七世代就會由騎雙水都變左騎噴火龍飛

雖然依家只係體驗版,不過已經知道唔可以再用十字鍵操控主角行動,而用開黎比大家自訂快捷鍵既Y就變左比大家揀「交通工具」,睇宣傳片已知未來可以好似小智咁騎小精靈代步,而呢類小精靈或者就係方便大家來往阿羅拉地區既島嶼都未定!

畢竟火岩隊卧底IGN曾經評過重製既ORAS只有7.8分,話佢衰在「太多水(原句真係Too much water)」,可能因為咁先直接準備個界面黎方便大家去冒險~


2.日與月之差!時間性劇情等你有電叉~

大家係體驗版要根據日數黎同NPC完成劇情

大家係體驗版要根據日數黎同NPC完成劇情

首先跟據體驗版黎睇,大家每次開game除左自動Save之外,其實仲會切換日與夜,不過可能只係體驗版而未能夠完全跟到主機時間關係先係咁,不過都暗示到日夜之差真係有關係。

睇返之前版本,想要搞某隻因為時間條件而影響出現率或者進化既小精靈一係就認真咁等,或者直接衝去改時間,不過黎到呢一代,佢今次分成太陽同月亮,除左神獸同部份出現既小精靈唔同之外,聽聞兩個版本仲會係相差12個鐘,簡單黎講,即係一個日,另一個就夜!咁大家應該真係有電叉下既~


3.告別單調俯瞰視角,斜向角度顯現新感覺!

pkm17

視角上會有少少唔同,由比較傳統既標準俯視變左斜向視角,而進入一啲地方都要先禁A去確認

以往既遊戲世代,都係傳統既標準俯視,主角都係比大家用同一個角度望住,係去到某啲地方先會換一換,例如X‧Y既密阿雷市,不過今次個視角就低返少少同斜望少少,成個視角更加顯出3D立體感(但體驗版你開3D都係未有效果),甚至連劇情對話既人物特寫都多左,希望換個全新感覺比大家。

用一張ORAS既圖對比,行到百貨公司頂層都要去正呢個位先自動切換視角

用一張ORAS既圖對比,第六世代都係行到某啲位置先自動切換視角做平視


4.戰鬥畫面更用心,對戰更稱心!

pkm19

只要你同隻野戰鬥過,就會提你招式既相剋效果,好似圖中既有效果字眼咁就代表傷害係1倍

呢代戰鬥畫面除左因為一開始有得揀繁體中文等大家更易睇得明之外,只要大家同一隻小精靈曾經戰鬥過既話,就會有埋招式相剋效果提示,等就算係新玩既朋友都知道邊招應該用,邊招打落去會無效或者唔痛咁,順帶一提,有啲小精靈會識call馬增加戰鬥要員,佢都會係下螢幕有提示。

Share to Facebook