【B+】迷你版遊戲王!《遊戲王 -最強卡牌對戰-》短評!
July 10, 2016 Share

【B+】迷你版遊戲王!《遊戲王 -最強卡牌對戰-》短評!

幾日前相信有3DS既《遊戲王》都下載左隻《遊戲王 -最強卡牌對戰-》黎玩,不過相信都有啲老手就覺得玩落唔對路,同平時玩開既遊戲王遊戲唔同,到底呢隻GAME成件事到底又玩啲乜野呢?依家就一齊同大家睇睇啦~

y1

一開始只能夠用極普通牌組黎向左邊果個小學生進行挑戰

新手教學部份過長

一開始各位都只能夠被逼用普通牌組起手開始,只能夠挑戰一個NPC黎贏佢拎新卡,不過就算你開頭揀左唔係初心者都好,你之後都會強制性進入劇情黎跟劇本學習遊戲王既玩法同大炒四位小學雞,之後就變左用「寶石騎士」向既牌組起手開始,但老實講,操作方法我認為真係岩岩開始教完就算,畢竟我深信真係新接觸《遊戲王》朋友唔算多,到後期拎左融合卡,又要跟劇本教你一次,果一刻真係覺得佢好小學雞……


 

y3

今次係無場地魔法,但就有搖擺區,目前應該得「DDD牌組」先有

戰鬥流程輕鬆快捷

其實呢個《遊戲王 -最強卡牌對戰-》可以話係迷你新手版既《遊戲王》系列作品,因為原本玩開8000點生命值,依家縮一半變4000點,怪獸同魔法區原本各有5格,依家又縮水變到3格,牌組原本要40張以上,依家雙方就一定要20張,額外卡組最多5張,其實咁樣同動畫版差唔多,真係好快分到勝負,同埋比較少機會話卡手牌,輸左大不了再戰咁解,成個流程唔會話拖得太耐。


建議大家如果有興趣課金就揀DDD啦

建議大家如果有興趣課金就揀「異次元的惡魔王」啦

因為得呢副野有「搖擺召喚」

因為得呢副野有「搖擺召喚」(主角同赤馬零兒好似都係一個原因)

課金買牌組豐儉由人

咁作為一隻免費遊戲當然要搵啲位賺你錢,不過我開頭以為佢吸金位係瘋狂要你買金劵狂抽卡,咁係呢到又解釋一下先,遊戲入面有卡包抽既,分別係綠色、銀色,同埋金色,不過每包卡包只係會抽出一張卡,因為呢隻GAME啲卡牌主要係用4張卡作為素材黎合成同強化,當然到後期你可以自己拎黎散組都得。咁講返佢個課金位先,你課得金既話,應該主要就係前期太辛苦,頂唔順佢一系列既預設牌組先比300日元買一副你覺得幾岩心水既過渡,始終佢一系列既牌組要收集素材入手同強化真係幾煩下……


打贏武藤遊戲就會完左一週目

打贏武藤遊戲就會完左一週目(放心,佢唔識用其他召喚法,好廢)

不過欣賞完睇製作名單仲要打贏個KC姐姐先有得玩自組......

不過欣賞完睇製作名單仲要打贏個KC姐姐先有得玩自組……

適合新手體驗遊戲

查實我覺得佢將全部野都縮一半,連個主角都小學雞係有原因,相信免費既用意就係想推廣《遊戲王》為主,因此未打完「Final Legend Challenge」之前,都只能夠係佢一堆唔同向既牌組黎作出選擇,相信主要就係唔想你煩果20張卡點砌,仲有想你盡量認識下大約有咩牌組可以玩,雖然遊戲王既卡真係仲多過赤底動漫展既入場人數,不過能夠係呢隻GAME入面認識各種召喚法已經好好,畢竟可能有人係留意完第一代就無再追落去,未必識埋「同調」、「超量」,仲有最新既「搖擺」(雖然呢個可能真係要比300yen先體驗到)同以往作品唔同,今次遊走既場地淨係得KC會社,反而唔洗周圍走黎走去搵人決鬥,其實真係好事黎。


 

5th係要同四個小學雞連戰......

5th係要同四個小學雞連戰……

基本上贏左比賽就會送4張素材卡比你去合成副deck

基本上贏左比賽就會送4張素材卡比你去合成副deck

認真,個KC姐姐真係有Final Boss既感覺

認真,個KC姐姐真係有Final Boss既感覺

有3副牌組比你自己任砌,之後玩既野就係認真打大賽

有3副牌組比你自己任砌,之後玩既野就係認真打大賽

遊戲畫質
4 out of 5
故事劇情
3 out of 5
音樂聲效
3 out of 5
耐玩度
2.5 out of 5
中毒性
3 out of 5
Overall

總括黎講,一隻可以免費下載既遊戲王系列作品,能夠保持返佢原來既玩法已經算好好,至於成個遊戲好似縮水一半咁,前期又無得比你自組牌組,相信本作目的主要係專為新接觸遊戲王既朋友而設。

3.1

Average
3.1 out of 5