【B+】就衰係知名度上面?《激突!!J聯盟一指足球》短評!
April 25, 2016 Share

【B+】就衰係知名度上面?《激突!!J聯盟一指足球》短評!

首先係評呢隻GAME之前,就先想問下各位對「J聯盟」有幾多認識,或者咁講,係邊到聽過呢個名會好啲,畢竟就算係我身邊既球迷都係睇世界波,日本足球界相信都係睇《足球小將》等等動漫先會知,不過點都好,我覺得佢遊戲整體算唔錯,除左要4星11人之外呢下攞命之外都無其他野叫做衰,但當然由於佢無當中囡囡既關係,我真係想佢未來會同啲足球動漫合作,理得佢係《踢出我天地》定《閃電十一人》啦,相信一合作肯定多返啲海外玩家,如果唔係真係無乜人有興趣為佢個背景而玩,最後講之前都重溫返2014年果3條「J聯盟 x 足球小將」既show off影片啦~


b2

一開波送3隻免費4星球員引你入坑

呢隻同《白貓》一樣都係有免費4星角色送(當然係限時活動,你遲入坑就無),不過係《白貓》要升免費角就要額外既符文,而佢就唔洗,只係能力會比抽出黎既4星低啲咁解,但佢地都有技能,起碼都叫幾有良心,連埋助人起碼你一場波都有4隻4星頂住先既,不過建議大家最好都係留250石搏一隻真正既4星繼續玩會好啲


 

b4

操作同玩法需要時間摸熟上手

始終佢建基係《白貓》果種一指操作系統,但由於係足球遊戲,有啲位又要慢慢摸熟返,例如你掃既範圍長短就影響佢射球既大細力,例如傳波方式又係點對點咁傳,突然換人搶波又要點果位球員等等,整體黎講操作真係唔簡單,如果拎《FIFA》黎比較,《FIFA》果一套會比較易掌握好多,起碼呢個要發動球員既技能真係要記位置同體力需求等等,唔係話難,但一齊拉埋黎記就幾複雜。


 

b3

玩法創新,將練習同時帶到遊戲當中

呢點係我最欣賞佢既一點,講真就算成日落場踢波總會玩到厭,佢曜日關同部份主線都係拎啲日常練習做任務,時間短簡單完一場之餘又可以當輕鬆下做個調劑,其實唔錯,不過可惜球員無啲咩所謂熟練度,你派果堆出黎練習既球員只係等你易拎分啲,等佢獎勵多啲,都無其他特別,但講真練得多對玩果個自己技術都會有所提升,始終練得多都會摸到個要訣出黎。


 

b8

起建築要等到2046?

呢隻GAME同《白貓》一樣都係有基地比你起野,不過《白貓》個空島明顯會話你知起果樣野仲有幾耐起完,但呢個蓋左塊白布就唔講你知要起耐,然後佢起之前個時間又標示清楚啲,其實你唔比我加速起野但都比我望下仲有幾耐起完都好丫~另外點解我要特寫上面果位囡囡呢?係因為佢基地上面行既人你禁佢係無用,乜都唔會加,啲球員同囡囡都係得個擺字…….就算有野講都係廢,我覺得最少同佢地傾下計可以拎下少少料都好丫,班囡囡咁樣入到GAME又唔係靚,依家又老是常出現,基地果Part係扣左分。


 

b9

可以同其他「電腦」玩家一決高下 

講真,你想4星11人既目的係咩?緊係唔係為左打任務易啲贏啦!主要就係為左係聯賽排行拎下積分獎勵同排行高啲嘛,不過佢緊係無可能即時對決啦,不過同其他「電腦」玩家一決高下已然好好,除左可以係聯賽模式拎到材料之外,仲有限時任務比大家做下,就算無心衝排行,間唔中整返場都可以當拎料升下球員。


b10

同強隊打贏左多5000分,不過我就寧願揀隊弱隊我做客多1500分算數~

b7

目前都係3星+少少4星既陣容……隻2星龍門係主線第3關完左比

b5

啲技能真係要慢慢睇熟先得,特別隊長技真係要成個J聯盟慢慢睇先掂

b6

同場加映10連抽結果,好彩都叫有個4星球員,唔係就白廢心機都似

遊戲畫質
3 out of 5
故事劇情
2 out of 5
音樂聲效
2 out of 5
耐玩度
4 out of 5
中毒性
3 out of 5
Overall

總括而言,雖然佢唔會好似《白貓》咁要你抽多樣野先勁,不過單係要齊11隻4星呢下都幾攞命,而大致上系統都同《白貓》差唔多,係操作上要啲時間去慢慢熟習,但由於題材係以J聯盟做背景,所以主要都係輸係人氣度上面,只係吸引到好少海外既朋友玩。

2.8

Average
2.8 out of 5