【C+】融合失敗山寨劣作!《Neo Monsters》短評!
April 13, 2016 Share

【C+】融合失敗山寨劣作!《Neo Monsters》短評!

昨日,我菲律賓工人望過Play Store,睇到有隻《寵物小精靈》溝《數碼暴龍Linkz》既混合體,叫《Neo Monsters》。我當堂嚇一跳,原來得啖笑,居然有隻《Adventure Quest》風格既遊戲但塞到《寵物小精靈》既元素然後又加到近期好Hit既《數碼暴龍Linkz》打法,我當然要拎7蚊出黎試下啦……

neo2

首抽都有機會係伏

一開始就不斷UP下廢話之後叫你揀御四家,無錯,水、火、草同雷,你鍾意邊隻就揀邊隻,之後會教你捉寵同叫你抽一次,基於我好辛苦去到online果部份,我發現路人掛出黎既大多都係5星,不過就唔一定係我呢條暗龍,所以應該一開始係大機率比隻5星你開局,但我見到都有極少部份路人掛既唔係5星,於是我認為佢連個首抽都可以係伏你既。


neo3

主線簡單易明,唔洗解謎

我提過既《寵物小精靈》元素主要講緊進化姐,呢個地圖唔大,你搵佢指定數量既訓練員打贏晒佢地就可以打盟賽,再贏埋班NPC咁你就解鎖主線地圖,重複做返呢樣野,不過你行呢個地圖果陣有機會撞怪,如果佢係2星或以上就捉啦,捉黎開圖鑑又好,當多個砲灰又好點都好,總之寵真係越多越好,到後期你同NPC戰鬥力真係有大差距,果陣就去返Online既主線慢慢打就得,佢就算要你行地下城都唔會蕩失路。


neo5

戰鬥介面易明,仲有提醒幫新手盡快投入其中

其實你一開始揀主角寵果陣佢就話你知主要果四個屬既相剋,但佢都係怕你唔記得,所以佢戰鬥入面又會直接提你隻係剋咩屬咁,而佢係用時間軸戰鬥方式進行,你既技能無使用次數限制,用完會按返個秒數排隊,而有啲技係要對岩時機先會打得痛,咁佢就會著燈提你要用招技打落邊隻怪會痛,其實戰鬥系統上係好過《數碼暴龍Linkz》,起碼你加左速真係可以快過人地出幾次招。但有樣野要注意返,你只要夠Cost你就可以推啲寵入隊做Backup,因為每次打緊既只係4隻,死左就未出戰既補充戰力,所以後期NPC就會同你有戰力差距……


neo4

寶石來源少,內購需求高

抽一次3星寵以上既寵就要5粒寶石,不過如果你以為寶石只係拎黎抽野就大錯特錯,你一開左Online模式之後,你會發現你既體力上限係勁少,回復時間都幾耐下,咁既情況其實真係間接叫你幫襯佢,而你之後因為要究極進化,銀幣需求同樣好大,當然你又要準備體力去打進化素材,佢送寶石既機會又少,其實真係想你比完7蚊又繼續強制性咁比……


neo7

訓練系統創新,有經齊齊分

呢樣應該算係唯一讚佢既野黎,佢練寵既方法好唔同,佢係集體將你隊入既野一齊去訓練,當訓練率達到100%果陣就會進化,都係呢類育成戰略遊戲吸引人去追玩既地方,不過你首先要儲夠訓練點先可以好似大富翁咁一步一步揀卡黎做訓練,咁呢點真係好既,起碼你唔洗話要因為要練隻新寵又夾硬推佢出埋戰先有經,但佢其他地方就真係衰左少少。


 

neo11

我一開始揀左雷屬性,畢竟另外三個屬性都接觸得太多次……

neo6

未解鎖Online模式係會辛苦啲

neo8

後期真係以人數力量取勝,當你放齊16隻勁野果陣就係真正體驗到遊戲後期之時

neo12

究進要既野都幾煩,最煩我諗就真係唔夠錢

neo9

打素材要用好多體力……

 

遊戲畫質
2 out of 5
故事劇情
2 out of 5
音樂聲效
1 out of 5
耐玩度
1.5 out of 5
中毒性
2.5 out of 5
Overall

總括而言,先要比7蚊買個App再比佢內購過一棟都算,然後佢既成長歷程去到打後係好痛苦,因為進化素材門檻都算高,令想追進化既朋友卻步。

1.8

Fair
1.8 out of 5