【B+】天堂級手機遊戲《劍魔之戰》短評!
April 5, 2016 Share

【B+】天堂級手機遊戲《劍魔之戰》短評!

呢隻《劍魔之戰》第一眼睇落去好有當年玩《天堂2》既感覺,所以先話佢係「天堂級」,不過佢操作介面果啲緊係對應返手遊用家,所以技能當然得幾招就算數啦,依家就一齊黎睇睇呢隻《劍魔之戰》值唔值玩啦~

l1

職業選擇少,靈活度低

一開始揀職業教學就真係好型既,比你試晒技又呢樣果樣咁,先講佢一開始既職業先,戰士同魔導師都可以揀男女,而狩魔同舞孃就限制左姓別,遊俠就未開,不過我估都係遠攻輸出黎,不過我就覺得佢職業技能靈活性真係可以再大啲,例如戰士可以分支做狂戰士或者專心坦咁,等大家可以為新技能而多個升級目標。


l3

畫面品質合格,但細節可以更好

其實佢畫面同介面算係合格架啦,控制方面仲有得比你揀2.5D或者3D添,不過我覺得一啲細節可以再用心少少,例如呢隻坐騎咁企佢真係唔太科學,雖然我後期見佢坐其他坐騎真係坐返係到既,但細節可以更好,例如人物多啲啲動作表情咁樣就多幾分。順帶一提,佢戰鬥果陣真係盡量需要你走住黎打,真係要啲技術先得。


l11

系統簡單方便易用

做得手機遊戲,一系列既方便系統點都要有,例如「一鍵升級」、「掃蕩副本」,甚至「自動模式」都要有,佢呢到就做到足,不過技能方面佢就有少少麻煩,要你收集符文先強化到佢既進階效果,即係堆技能既分支,都無可否認佢玩家之間既互動功能都算多,起碼你呢隻GAME除左PVP之外仲可以開紅殺人。


l15

無課難生存概念仍然存在

課金可以做VIP有福利呢啲就唔洗多講架啦,咁佢就無商城既,不過就分為藍鑽同黃鑽,佢抽野既系統叫「占星」,可以用遊戲幣抽,都可以用藍鑽抽,當然都有話到一定時間之後變左免費抽,但呢個交易系統就係要用黃鑽,咁其實玩家交易果到硬係差緊啲野,如果統一用藍鑽反而會好少少,雖然可能會造就一個現象係有人瘋狂開新角色刷藍鑽,不過官方都可以收緊返個獎勵,等大家可以多勞多得。


 

l13

我終於有坐騎用,不過限你8個鐘騎!順帶一提,呢隻台灣遊戲但有啲地方係殘體字……

l12

有咩樣衰得過比陷阱殺死……

l9

呢個冒險者懸賞睇怕都係大家卡LV之後其中一個升LV途徑

l10

呢個副本我唔夠拎3粒星……睇黎需要4粒星技術要求既職業係真

l16

呢個任真係閃親啲單身狗……

遊戲畫質
3.5 out of 5
故事劇情
3 out of 5
音樂聲效
3 out of 5
耐玩度
3 out of 5
中毒性
3 out of 5
Overall

總括而言,由於呢隻佢整體系統都做得唔錯,幾似一隻Online Game,不過講到Online Game,即係你連線穩定性好高,同埋你部玩果部機都唔能夠太弱雞,食錢度都係同佢其他遊戲不相伯仲,無聊又想玩返RPG既朋友可以試下。

3.1

Average
3.1 out of 5