【B】又回到最初的起點?《遊戲王Duel Links(CBT封測)》評測
September 14, 2016 Share

【B】又回到最初的起點?《遊戲王Duel Links(CBT封測)》評測

對上次7月頭有隻3DS既《遊戲王 -最強卡牌對戰-》之後,相信呢隻曝光左好耐既手機遊戲《遊戲王Duel Links》大家都等得好辛苦,而近日就有國外網友開始左Beta測試,依家就一齊睇睇呢隻同樣係免費不過平台唔同既遊戲王到底又咩一回事啦!

 

開局流程簡單易上手

相信各位都係識玩遊戲王所以先搵多樣野黎玩,今次呢隻《遊戲王Duel Links》就無上次3DS咁長氣又要你連戰小學雞過埋一週目先比你自由,只要你一開始既時候話你已經熟習遊戲王玩法既選項就教兩教你點禁就算,之後同NPC既教學戰鬥仲可以Skip跳過佢,跟住基本上你慢慢同NPC交流下升lv就得,牌組仲可以比你自由咁改添。

y1

DEMO就只有主要角色登場,希望正式版會出現柏加索斯

y2

一開始比你揀海馬或者遊戲黎開局,不過異次猿相信主角威能而揀左遊戲


y4

牌面數值都會同初期一樣偏低

y5

操作玩法唔難上手,但用早期白板黎打黎打去好易悶

 

遊戲世代屬初期容易令人感到沉悶

呢隻《遊戲王Duel Links》既規則跟街機版同3DS,全部野縮一半,而且有AUTO戰鬥,令個戰鬥流程可以簡單啲,而依家雙方就唔再局限一定要20張,組合性可以更大,不過唔知係咪Beta測試版既關係,佢既卡真係初期到不能再初期,基本上都係鬥緊1500攻擊力以下既戰鬥,而NPC既AI仲好弱智,明知你隻野攻擊力高過佢,佢仲可以召喚隻野係攻擊表示,不過咁,佢之後去到拎完杏子可以用AUTO戰鬥,所以佢弱智都合理既,而目前想玩融合都好難去達成,真係莫講話想玩埋之後既同調超量,成件事真係好似回到原點,玩落舒服但有時咁樣贏法都好易悶。


 

角色技能獨具特色

大家成日睇《遊戲王》都知各代主角成日印卡,凡骨城之內又死好命咁,不過今次遊戲可以揀作品角色黎慢慢幫佢升級黎拎獎勵,而所謂既技能當然唔似你睇動漫咁開外掛,只係會比較偏向配合返卡組而準備既技能咁,不過目前只係試到武藤遊戲既遊戲開始時預設場地魔法卡一張黎集中返個牌路,城之內就多人地1000點LP,海馬就唔知,但都係會有屬於自己既技能,順帶一提,Playmat同卡套今次都可以自己設定,所以仲可以因自己風格黎自己設定,自由度就比3DS果隻高

y6

揀遊戲開局最大優勢係召喚黑魔道士可以加多200攻

y7

岩岩拎完城之內當然要用佢玩下啦


y12

可能遊戲早期關係,UR去返現實都唔算係好用既卡……

y9

講卡牌的形象都只是普通立繪,華麗度不及3DS

入手卡牌途徑少,難以應付排行戰

玩呢隻GAME目的為咩?咪就係為左係排行戰上大展拳腳囉,不過佢50石先抽一包卡,一包卡入面有3張卡,而最後果張卡先係知佢係咪SR等等既好卡,而想拎石都唔容易,所以唯有希望係拎多啲鎖匙同傳送門既作品角色對戰多啲,希望拎到啲好卡黎砌下牌組,但咁少好卡明顯一打排行戰遇著勁人就真係玩完,係就係世代初期,但都係有勁野架嘛(但其實UR都係可以有白板),人地成條藍眼究極龍拉出黎果陣我真係呆左,搶錢程度明顯勁過3DS果隻,但依家連同調超量都未有得玩,因此我都係慢慢HEA住先,不過講真希望語言上想轉返日文,雖然唔係100%識晒,但始終睇慣左又另一回事,點都好啦,都唔係話佢衰晒既,起碼都叫多個地方唔洗出街就同人打到遊戲王,只係又要錢黎慢慢搞姐。


y11

今次介面主要配合返手機遊戲既設定而簡化,但畫面都唔會差得去邊

 

y8

召喚王牌卡當然要有返動畫威一威啦,不過要對返角色先得

yy

遊戲畫質
3 out of 5
故事劇情
1.5 out of 5
音樂聲效
3 out of 5
耐玩度
2.5 out of 5
中毒性
3 out of 5
Overall

總括黎講,又係一隻可以免費下載既遊戲王系列作品,遊戲又係跟街機同3DS咁將個玩法縮水一半,令節奏更快,但推出既野唔似3DS咁去到咁新,反而步伐去返原點,但唔知係咪因為封測緊先咁,但都要扣返啲分。

2.6

Fair
2.6 out of 5
Share to Facebook