【B】總算都要考返些少操作技術!《刀劍神域:記憶碎片》短評!
August 31, 2016 Share

【B】總算都要考返些少操作技術!《刀劍神域:記憶碎片》短評!

琴日上架既《刀劍神域:記憶碎片》相信大家都刷首抽刷到七七八八,唔知大家中到自己心水角色未呢?不過點都好,話說呢隻《刀劍神域:記憶碎片》玩法上真係同之前隻《刀劍神域:Code Register》多多聲既,雖然呢隻玩法就好似TGS 2015曝光既《追憶之青》咁,可能兩間公司有交流都未定啦,點都好,一齊睇睇呢隻Game咩料先啦!

附上管理猿整合既對比圖一張

附上管理猿整合既對比圖一張

sao3

戰鬥操作尚算流暢

呢種橫向戰鬥冒險又令我諗返《地下城與勇者》,畢竟唔係傳統果類又係右下角有堆制比你禁果啲,而係你真係要好好控制個角色行同迴避攻擊,甚至仲要進行格檔等等,必要時就換人,或者出下技,而換人果陣仲會放埋技,不過當然要隻人本身MP啦,但咁樣都幾考操作技術,遊戲性黎講好過之前既刀劍神域手遊。


 

sao6

角色能力樹開放條件苛刻

畢竟小弟接觸《白貓》比較多,所以用返《白貓》做例子,佢呢款能力成長樹真係好似《白貓》,但唔同既係你必須要先帶角色出戰,升夠果個等級先至再用條等級鎖匙解放果個等級既能力,再比你用碎片黎加強能力,但首先要派一隻角色出戰去升級已經幾麻煩下,就算狂推經驗水都係好難追等級,仲有我覺得素材關卡怪物等級跳得幾快下,搞到想刷都好麻煩,而突破角色等級上限又係好似《白貓》咁,又係要抽到重複既角色先夠果種彩虹碎片突破,但都係3星要中25次先開到既概念,而之後仲要你揀攻擊定防禦等等,其實幾苛刻,呢到應該要再貼心為玩家諗諗。

sao5

除左果啲碎片,仲要打定啲鎖匙先可以升能力


 

sao4

遊戲主線進度與角色戰鬥力不符

呢個真係要嚴重扣分,相信玩手遊既各位正路就係刷完4星之後就開局,然後不斷主線咁樣玩落去啦係咪?好,我就當我用死一隻4星角色黎玩同專心升佢,但小弟就發現我隻4星先得32lv,但主線怪物等級已經跳到上40,戰鬥力真係差得遠,難聽啲講叫做逼你課金,同埋我發現佢開隊伍cost上限真係好慢,就算之後好好運中多2隻4星角色都唔可以一直放入隊伍去出戰冒險,隨後想佢夠主線關打仲要狂塞經驗水先得,否則卡主線真係只好打返轉頭或者轉Hard難度再打一打咁。至於打協力一齊升可能都係一種好辦法黎既,但問題係我打到第八章佢個協力位仲係鎖住左,咁欠缺互動性叫人點玩呢?

sao12

負碌抽到賽玟但又要慢慢升過


sao8

畫面及故事還原度一流

呢隻Game其實有個抵讚既地方,就係佢介面同故事都盡量還原返《刀劍神域》既世界,單係登入果個畫面已經覺得正,而佢大廳又真係可以見到其他玩家進行交流等等,Boss同小怪既血量棒都好還原,甚至介面同技能圖示都盡量跟足,差在自己未戴住VR玩咁解,故事方面一邊打主線佢都會好似動漫咁重溫返,雖然全部都係Cap圖同文字多,但起碼大約都明打緊果一章係講緊乜,雖然我推主線果陣就飛左,但感受到佢呢個位幾用心,所以扣分扣極有個限度。

場地同介面上都算用心既

場地同介面上都算用心既,係其他位希望佢改善下


 

sao9

辛苦地打到第八章儲左一次10連,有4星應該唔算伏啦掛

sao11

最後歡迎大家Add我,不過佢又係等級角色好友上限,都幾煩下

SA

遊戲畫質
3 out of 5
故事劇情
4 out of 5
音樂聲效
3 out of 5
耐玩度
3 out of 5
中毒性
2 out of 5
Overall

總括而言,其實隻GAME玩法唔差,但我唔知佢同原創既《追憶之青》到底有咩關係,成個原創野套左個《刀劍神域》外殼的確吸引到一班Fans既,故事都重溫得幾好,但衰在系統平衡上可以再做得好少少。

3

Average
3 out of 5
Share to Facebook