【C+】同預想中有出入!《Mighty No.9》短評!
June 25, 2016 Share

【C+】同預想中有出入!《Mighty No.9》短評!

6月21日相信都係洛克人迷興奮既日子,因為就係洛克人之父新作《Mighty No.9》既發售日,但到底值唔值得買呢?依家就一齊黎睇睇啦~就睇下係咪真係好似海外評價講到咁差啦!不過講真,呢隻《Mighty No.9》概念圖及開發中個樣同實際成品真係都算差得遠,同預想中有出入呢……

m1

今次既衝刺仲帶有吸收能力,打Boss一定要衝佢幾次先會贏

操作上無乜新意

今次《Mighty No.9》既主角Beck個形象整到同元祖洛克人差唔多,淨係識衝刺,同埋發射豆豆砲,唔識好似元祖洛克人5之後咁用儲氣砲(拎左某啲Boss武器另計),講漏左,仲有R2既向後跳,但唔似X同Zero咁識貼牆,但識攀牆,或者打6號果陣你就會比較用到黎救命。但講返衝刺呢一點先,今次既衝刺唔係單純向前衝咁簡單,當Beck攻擊到敵人進入虛弱狀態果陣就可以利用衝刺進行吸收獲得能力同埋加分,當然你可以用以往既玩法,唔衝,射多幾野直接殺,但到Boss戰你就無得揀,打到一定血量就一定要衝佢一次先可以繼續扣佢血。

m12

上面提及既「攀牆」,但當然唔係隻隻Boss都可以比你咁避


 

m9

幫多幫少就見人見智,但好肯定呢個武器會係呢關大派用場

整體設定偏新手向

唔怕同大家講,雖然我好鍾意洛克人系列,但都唔代表我打得勁,諗邊個Boss剋邊個Boss真係要靠感覺(例如你會諗雷剋水),但今次只要你成功搵一個Boss開刀解決之後,打贏Boss之後下一關如果係武器可以相剋既,就會多左「建議」比你揀,其實只係提你可以用咩武器黎剋制,除此之外,果一關某啲位仲會得到你之前打贏既Boss幫助,至於幫多幫少就見人見智啦。除此之外,今次Boss武器條使用值可以自己等時間補充,一係就靠「衝怪」黎補充,唔洗再話靠打完隻怪執道具,因為根本打完怪無野趺出黎,你想補血的話唯有執預先係某啲位準備好既能量包黎補充返。順帶一提,當你死得多既時候,間唔中派道具比你既小幫手就會睇唔過眼比多條命,甚至係比buff你繼續作戰。當然啦,如果你係高手既,你就唔洗諗咁多,基本上可以1-8號順住打都無問題,所以身邊完美征服洛克人系列既朋友都表示呢隻野好容易。

m2

8號既關卡設定比較特殊,同時都係建議初學者先攻略既關卡黎


 

m23

Final Boss有兩個型態是常識吧……所以大家都係要諗下點避招

遊戲主線推進度極快

根據以往洛克人遊戲既經驗,打完八大頭目之後仲要打多兩三關先打Final Boss,而Final Boss之前唔知點解你又要一口氣再戰八大頭目,不過今次就無啦,我原本都以為八大頭目有複製品要再戰,點知打完八大頭目之後玩多一關,再加用一次Call妹妹去冒險就直接打有兩個型態既Final Boss,打完就大結局,如果你無初回特典既Ray的話,咁恭喜你,你應該可以玩啲挑戰任務玩到悶為止,仲有既就係拎成就,就係咁。今次無咩隱藏裝甲比大家去拎,甚至連E罐都無個,最多係有啲位比你執多條命。

m14

用Call妹妹呢關其實都有少許挑戰性既


m18

如果無初回特典既Ray真係好快玩完

mx

第2頁含劇透攻略,慎睇!

Pages: 1 2

遊戲畫質
2.5 out of 5
故事劇情
2 out of 5
音樂聲效
2 out of 5
耐玩度
2 out of 5
中毒性
2.5 out of 5
Overall

總括而言,本次都係掛住洛克人之父既大名而生既作品,同預期中有出入,今次好快就爆機,如果無初回特典既Ray,基本上只係不斷刷新紀錄同埋不斷玩挑戰模式,當然如果你係洛克人超級Fans既話,挑戰下都無妨,但整體難度都唔算高。

2.2

Fair
2.2 out of 5