【B】想J聲優把聲就加把勁啦!《鋼鐵戰記》短評!
March 18, 2016 Share

【B】想J聲優把聲就加把勁啦!《鋼鐵戰記》短評!

話說異次猿玩左一陣《鋼鐵戰記》之後發現佢都係果堆聲優陣容,唔服氣之下於是就深入去玩同研究,終於發現想J聲優把聲真係要耐性……而唔怕同大家講,你就算辛苦玩到20關拎左第一個人人都有既駕駛員,佢都只係開始同完任講講野,希望將來真係多返啲野講。


 

o1

當我以為好開心直抽駕駛員果陣,原來仲係一段漫長既路……

想J聲既?課左先講啦

或者我講得詳細啲,應該課左金仲要用啲時間打左頭20關先得,事關遊戲入面288鑽石果個轉蛋只係直接轉零件出黎,你想要J聲就要係商店入面果個轉轉樂到抽駕駛員,30鑽石轉一次,我當你好好運抽中啦,唔好意思,就算係日版,都係碎片黎咋,抽多9個碎片合出黎啦!好,我當你因為愛,即刻黎一個重課金去立志追埋另外9個碎片,不過唔好意思呀~你一日得10次玩轉轉樂既機會咋!不過咁,轉轉樂入面都有機會抽到5星零件,都算衰唔晒。食錢度我比60分,下面再繼續。


 

o2

要開新一章主線係要一關一關咁打返啲鎖匙交數,而打挑戰摸式主要拎裝同駕駛員碎片。

課金又好似唔抵,唔課又好似玩唔掂

繼講完駕駛員幾難入手之後,依家講下佢其他功能啦,先講主線,你慢慢打落去會發現你啲零件開始唔係太夠輸出,完左一個章就要一定鎖匙數量先可以開,你技術好同心急既話可以直接用鑽石開主線,不過倒返轉頭去打之前啲關咁一條一條鎖匙拎又唔係咩大問題,始終你真係需要材料黎升零件,否則真係下下都要燒大技先掂。而佢遊戲初期又比較少機少零件,所以就算你10連抽佢又好似唔抵,而個轉轉樂都同大家講左,一日最多10次,咁真係唔知課唔課少少黎支持佢好,唯有就努力少少捕住佢啲活動同狂玩挑戰模式啦。


 

o6

同時講講小技巧,有武器強化同S唔一定要急住食,可以等暴走狀態完左先再食佢黎補火力

玩法上無咩好挑剔,簡單輕巧又一場主線

咁點都要講講佢畫面同玩法,其實呢方面反而又唔算差,起碼簡簡單單大約5分鐘內就完左場,道具黎黎去去都係防護網、補血同埋武器升級再加多個暴走藥咁,而挑戰模式當然就無盡咁去架啦,敵人既攻擊套路都唔算難捉摸,畫面唔算做得太過混亂,叫做合格啦,我比80分。


 

o3

駕駛員碎片除左係轉轉樂抽,都可以換返黎或者打返黎(但要夠運)

時間勝於金錢

雖然佢駕駛員要瘋狂收集碎片先得,但其實系統上算叫做比啲無課金主義既朋友投放時間去努力,始終有活躍度獎勵呢味野,到夜晚又有世界挑戰模式比大家打代幣黎換野,打無盡模式有時又有亂入王比大家搏下碎片,不過系統我覺得最唔好既地方就係佢無一個類似「組合」既概念,即係我想機身A+裝甲B+導彈D+砲彈D為一個組合,咁我就可以隨時切換返唔同既機身組合黎玩,依家就係要我一定要慢慢一個部位咁樣換裝,其實有少少唔方便。


o4

一見到黃色既警示就知道有30秒比你打隻特別多血特別勁既王,辛苦過後贏到朋友既分數真係幾有滿足感

o8

上面同大家提過既活躍度獎勵,完成晒都唔難,而右圖係目前開放既駕駛員,但唔止咁少,唔知關唔關主線進度事

k2

最後當然都係留招待碼啦……順便留埋ID:12759016,得閒送下燃料比我T_T

遊戲畫質
3 out of 5
故事劇情
3.5 out of 5
音樂聲效
2.5 out of 5
耐玩度
2 out of 5
休閒性
3 out of 5
Overall

總括黎講,呢隻《鋼鐵戰記》雖然真係有佢介紹既聲優陣容,不過真係要大家投放時間去玩,玩到後期先可以修成正果,整體畫面同遊戲系統都無咩特別講佢既地方,係課金果到唔太抵咁解。

2.8

Average
2.8 out of 5
Share to Facebook