差唔多乜都自動波!《夢之國度》試玩評測
March 3, 2016 Share

差唔多乜都自動波!《夢之國度》試玩評測

話說近日見到樂瞳代言一隻叫《夢之國度》既手遊,當然手痕下載黎試下,睇下隻Game好唔好玩啦,整體黎講食錢位唔算多,玩法主要都係禁禁禁,要你做既野真係唔多……


 

佢知隻王準備開技秒你一隻,會提你集火佢先

佢知隻王準備開大技秒你一隻,會提你集火佢先

專為懶人而設既戰鬥系統

一黎就當然講下佢個戰鬥系統先啦,其實雖然係回合制戰略遊戲,但你真係唔洗禁任何野佢都會自動同你打,你禁既通常都係集中攻擊既目標,同埋你夠能量可以用到既技,不過一開託管就唔洗諗咁多野,基本上你走去做其他野都唔怕,除非你打緊既怪好變態,或者你啲裝同英雄唔夠勁,否則真係慢慢任你點掛都無問題!


 

呢個系統相當抵讚,你OFF左都可以拎EXP,即係當你無動力升果陣,咁你都可以慢慢放置佢

呢個系統相當抵讚,你OFF左都可以拎EXP,即係當你無動力升果陣,咁你都可以慢慢放置佢

真‧掛機系統

我諗大家都唔會淨係玩一隻手遊,咁你玩緊第二隻手遊既同時,呢隻Game真係可以熜左佢先,到你想開返佢先再開出黎,咁佢就會問你要唔要雙倍獎勵,有錢既咪要雙倍,唔想洗錢既普通獎勵你都唔會蝕,另外佢每日活動有時要你組隊先打得,不過佢可以幫你自動組,當然,如果你係隊長既就自己郁一郁去接任開波啦,但你開始左之後就可以掛機架啦。(但今次就唔好熜App啦)


 

髮色髮型貨不對辦,你揀職業果陣就金毛,但到你打名就變左藍毛,真係想唱返句:「佢家下黃色衫,又變返著綠色衫。」

一開始你揀職業果陣就金毛,但到你打名就變左藍毛,真係想唱返句:「佢家下黃色衫,又變返著綠色衫。」

時裝唔出好過出

差唔多隻隻Game都有時裝系統黎吸金,呢隻都唔例外,不過我真係覺得佢唔出好過出,首先佢只係得一款,其餘果啲只係話你知果個LV件衫會係咩外觀,而佢件時裝已經唔係永唔永久既問題,而係你除左要有石之外,你仲要有所謂既「魅力值」,「魅力值」點黎呢?就係要人地送花比你,不過送花就要入商城買先得。大佬!我都買唔到時裝黎著,邊忽有機會令人感覺得到我有「魅力」呢?所以我覺得佢時裝不如唔出好過出。


 

樂瞳?邊忽似樂瞳呀?似係醜化佢啵。

樂瞳?邊忽似樂瞳呀?似係醜化佢多啲啵!

畫質不過不失

以手遊黎講,呢種畫質同畫風都唔算差架啦,但相信好多人都見樂瞳做代言先玩呢隻Game,所以一開始佢會塞隻樂瞳入你隊,等你可以丁佢把聲,呢點本來係好好,但我覺得個遊戲形象可以再做返好少少……因為依家咁睇好似變左欣宜咁款。


 

最後附加吐槽式遊記:

岩岩開始硬係覺得無咩人玩法師咁

岩岩開始硬係覺得無咩人玩法師咁

對唔住,我錯......估唔到一組隊就兩條友都係法師

對唔住,我錯……估唔到一組隊就兩條友都係法師

都買唔到時裝,咁我又點樣有「魅力」先?

都買唔到時裝,咁我又點樣有「魅力值」先?(粉紅色果啲)

大家最開心都係搵人打,雖然呢啲都唔係即時戰鬥,不過打到人地趺榜真係開心死

大家最開心都係搵人打,雖然呢啲都唔係即時戰鬥,不過打到人地趺榜真係幾開心下

其實佢答問題呢個活動都幾得意下,希望將來會有多啲問題等我每日解解悶

其實佢答問題呢個活動都幾得意下,希望將來會有多啲問題等我每日解解悶

當你以為中左隻好型既S級英雄,點知係碎片黎......

當你以為抽中左隻好型既S級英雄,點知只係碎片黎……即係叫你中多佢29次先得,話說隻野好似黑saber+金閃閃咁樣

遊戲畫質
2 out of 5
故事劇情
3 out of 5
音樂聲效
3 out of 5
耐玩度
1 out of 5
休閒性
4 out of 5
Overall

總括黎講,呢隻Game主要Sell粵配同樂瞳,本來畫質可以高多分,可惜遊戲入面個樂瞳整到成個欣宜,比唔落,但整體好岩啲懶人同忙人去玩,因為成個遊戲操作都唔會好繁複。

2.6

Fair
2.6 out of 5
Share to Facebook