2016香港電競節HTC Vive VR區遊戲體驗後感簡介!
August 19, 2016 Share

2016香港電競節HTC Vive VR區遊戲體驗後感簡介!

今年2016香港電競節係HTC Vive VR區有得比各位體驗一下VR遊戲,當中有三款遊戲,分別係射擊、壁球,仲有切生果既,有興趣既朋友可以去即場拎籌等體驗,而派籌時間分別為上午10點、下午2點,仲有晚上7點,當然,你可以睇埋我試玩體驗後感再決定要唔要自己親身試埋一份既~廢話唔講太多,去圖去片!

v1

主要靠佢將VR同現實合二為一,當然仲要綠背景啦

1.基本配置大有進步

 

呢到其實單純只係小弟大約一年之前試過HTC Vive VR再對比返依家既感覺,首先睇佢個場地明顯係有空間比你「揮灑自如」,而VR眼鏡都有所改善,起碼我今次戴住粗框眼鏡都戴到,而將遊戲背景同現實融合出到黎既視覺體驗都好好,詳細可以睇返最底果條片,基本上有少少類似特技片果類。

v6

除左咁當然仲要靠軟件將佢地再整合啦,仲有錄低精彩片段都係靠佢

v2

左上角既電視會有埋畫面比出面既人睇返

v3

而當中左下角既畫面就係玩家視覺,等大家睇埋玩家視覺大約係點

2.遊戲內容簡單但有趣

可以體驗既遊戲有三款,仲有一款係坐係另一邊揸車既果個未計,只係計係綠色底區玩既三款,而小弟今次只係試左壁球果款,畢竟我玩射擊類既應該只會輸得更快,同埋試玩太耐好似都會阻到其他朋友咁,但單單係壁球果款已經覺得唔錯,AI會嘗試計我擊球落點黎彈返個波比我,所以有時要睇準機會去殺球先有機會拎到分,分分鐘運動量仲勁過Wii都未定……相信另外兩款都係咁吸引,大家有興趣可以去試下。

v5

其實除左壁球,仲有一款係切生果,仲有一款射擊既,有興趣既朋友不妨去試下

3.人人玩完都有得留念

咁辛苦拎籌當然唔係就咁試完就算,你仲可以留底個e-mail比佢地拎返條片留個念,好似我咁,有條片紀錄返比大家睇我連Easy都贏唔到既「英姿」,真係有興趣既就不妨睇睇片啦,整體真係幾好,去電競節既朋友不妨真係試兩野,話唔定遲下真係發展到……有好多唔同既遊戲玩。

v4

最後當然唔少得要中二病一下……話唔定將來真係可以咁都未定