席席bird極!沙嗲王x街霸5試食報告!
March 16, 2016 Share

席席bird極!沙嗲王x街霸5試食報告!

近日沙嗲王就開始左《街霸5》個合作活動,繼上次《MHX》有去試食之後,異次猿帶住輸過比達哥既志向蛇王再出發去試食,依家就一齊黎睇睇Menu有咩先!(雖然佢官網都有講)

s2

首先就係呢個春麗美腿,丫唔好意思,係雞腿藍蝶花飯先岩,咁有3隻咖哩汁揀既,有代表Cammy既菠菜咖哩、代表Ken既蕃茄咖哩,仲有代表赤目司令既紅菜頭白咖哩,咁我由於我無乜點玩街霸,赤目司令睇落都大魔頭咁款,所以就揀左隻紅菜頭白咖哩。

s3

之後仲有三款野食既,有蛋包飯啦,反碗麵配蝦餅(塊蝦餅唔一定印住春麗),仲有印度卷餅配薯條,咁我怕自己一丁友都食唔落多個飯同麵,所以只係叫多左個印度小卷餅就算。

s1

最後就係野飲,有好鬼突出既骷髏頭拉茶,之後代表住四位既特飲咁啦,原本我應該會叫沙冰或者巨峰泡沫,不過想試下拉茶,所以就懶係野咁叫左個拉茶扮下印度佬。

s4

野飲先到是常識吧,叫野飲同野食都會送多個杯墊既,不過係隨機送比你。(呢杯拉茶100分滿分我比得45分,始終果陣特別既味唔係人人都覺得正既)

個小卷餅都到左啦,呢個價錢配呢個卷其實都算合理,但啲薯條唔係大家平日食開果啲,有食零食既感覺,個卷啲咖哩就唔辣既,入面有蛋同沙律仲有肉類等等野。

個小卷餅都到左啦,呢個價錢配呢個卷其實都算合理,但啲薯條唔係大家平日食開果啲,有食零食既感覺,個卷啲咖哩就唔辣既,入面有蛋同沙律仲有肉類等等野。(100分滿分,我比70分佢,因為個卷加左蛋同沙律我硬係覺得少少怪)

s6

春麗雞腿都到左啦,藍色既飯係咪諗返起史萊姆咖哩呢?不過提提大家,呢個咖哩會有少少辣既,不過都係少少姐,而果兩隻雞脾都幾香口,整體算係唔錯。(100分滿分我比85分佢,留返少少分係隻咖哩汁上)

s7

69蚊就見人見智啦,點都要揀個飯黎食架啦,不過食落去就幾好食,唔伏既!(我咁樣直接淋落去好似爆炸咁)

s8

最後講講杯拉茶,其實真係印度野黎,一般人會唔太鍾意果陣味,所以我建議大家想飲特飲叫返同價另外果兩杯仲好。(而且呢個頭我覺得萬聖節又會再見到佢)

臨走我都只係買左個File就算,順帶一提好快又有其他主題,到時又再為大家報導啦~

臨走我都只係買左個File就算,順帶一提好快又有其他主題,到時又再為大家報導啦~

s10

最後,我話比大家知我果3個杯墊都係赤目司令……雖然我一生人同達哥打果一場街霸係用赤目司令姐,都唔洗咁巧合掛~(好似仲勁過無限蘇聯佬)

Share to Facebook