或者可以同LOL砌過?《鬥陣特攻》公測玩後感!
May 13, 2016 Share

或者可以同LOL砌過?《鬥陣特攻》公測玩後感!

官方網站:https://playoverwatch.com/zh-tw/

相信經過幾日《鬥陣特攻》既公測之後,各位捍衛者真係急不久待好想正式再有得玩,相信有唔少朋友已經一早買左隻GAME準備5月24日正式再玩架啦,雖然用《英雄聯盟》呢隻咁有人氣既遊戲黎做比較好容易真係令關公出動,不過我就係要講,因為我正正係一個唔玩LOL,但鍾意玩《鬥陣特攻》既人黎……


【平衡調整相當出色】

首先我覺得《鬥陣特攻》既平衡性真係做得幾好,的確砲兵(壁壘機兵)同矮人(托比昂)真係好似幾屈咁,一個就屈必殺技同火神機關槍模式黎殺人,另一個殺人就殺到置身事外,可能個砲台幫佢上左Kill Cam既例子都有……但官方就講明話會再調整角色既戰力,所以各位真係大可放心,不過至於會調整成點,會唔會搞到無人用就真係再有待觀察下。同埋你個帳號無論幾多Rank都好,你多過新手既只係你既戰鬥經驗,平衡上真係做得算唔錯,新手都唔會比人屈得太過份。

oo

970萬人玩公測,可以話仲勁過《The Division》

o1

第一次接觸呢類遊戲既新手建議玩慈悲,或者上面提及既矮人都唔錯

o2

雖然我呢場只係打電腦……

o4

再唔係盾佬(萊恩哈特)都唔錯,基本上你右鍵起盾吸傷,到咁上下放手回返個盾都夠做


【費時短‧節奏快】

其次佢一場既時間唔會話太耐,而且打打下可以換角色黎救局呢下真心幾好,畢竟就算唔小心送左頭影響都唔會話太大,因為你當中係唔洗你識出裝,甚至話搶人頭黎升lv等等……丫,對唔住,忘記左矮人支砲係可以升下級既,一場就頂盡20分鐘,真係不幸輸左咪再黎過囉,下一次同隊友合作好啲就得啦,唔知係咪大家屈係同一場既時間唔算太耐既關係,我見主動去鬧人既情況都好少,可能大家都覺得輸左再配對過就算,廢事打字咁勞氣啦……

o5

第一次玩都算唔錯,玩完最後佢會有得比你讚下人,之後就將你兩邊既人洗一洗

o8

鬥陣幣目前都係用黎買Skin用

o6

上文提及既矮人,起完砲台就可以伏人,同佢玩夾攻

另一名定位都係坦既攔路豬可以自給自足,自己拉人黎殺,又可以自己用技補自己血

o10

成日可以上到Kill Cam既炸彈鼠,主要屈大技黎殺人,不過比人射爆你個炸彈就玩完,或者比人偷襲你本體都奶野


【發售展望】

而最後我拎LOL黎做比較的確唔岩,因為兩種遊戲玩法唔同,的確同時都有人會拎《鬥陣特攻》同《Team Fortress 2》黎作比較等等,不過我始終認為《鬥陣特攻》會比較容易上手啲,最少我用慈悲淨係追住隊友禁mouse就可以呃貢獻……嗯,可能moba類型唔岩我,換轉唔熟悉FPS類型既朋友睇法可能都會同我相反既,但《鬥陣特攻》如果後期可以再加入新模式,甚至新英雄既話,相信就算要比錢玩都唔係問題黎,起碼我覺得因為要比錢既關係,玩家既質素都會相對好少少,我指既係成日亂鬧人果堆應該見唔到。

o11

目前模式好少,玩法都係得幾個

o12

雖然英雄入到去可以再隨意轉,但揀人果陣會有團隊小提示,不過最好既都係可以用重複英,唔洗話比人用左你愛英你無得用

o13

辛梅塔既傳送門對守據點模式好有用

o14

場景物理都做得唔錯,等緊佢開門果陣可以無聊整爆部街霸機

o15

短短幾日公測玩到佢最後一刻彈我出GAME為止


精彩回顧就唔一定要殺好多人既,有時可能見到奪命女掛住開狙鏡你兜佢後面秒左佢都好精彩

Share to Facebook